غضب الشاهين

Part 13

_يسألــوني كـيف حالـلك
فـأجيب ( الـحمد لله)
فيضـنون اننـي بقمة السعادة
نسوا اننا نحمد الله
على السراء والضراء..

.......................................................................

مهـا:نهد حيلي وروحي راحت من بعد اهلي شكد لحيت اريدهم ياخذوني ومحد قبل لا اني ولا منار
لان عدنا دوامات بيت عمي ما قصروا ويانه لا بيت جاسب ولا بيت عمي علي دائما البنات يجون يمنا
شكد لحو علينا بيت عمي جاسب نروح يمهم بس ما قبلنا

نور:مها شبيج يعني ليش ما تقبلين افهمي ما نكدر نخليجن وحدجن لا سامح الله كلشي يصير وانتن بنات وحدجن عاد لو تجن يمنا معززات مكرمات ولا احد يمسجن بشي

مها:حبيبتي ماكدر اطلع من بيت اهلي اعرف انتم اهلي وانتن اخواتي بس والله ما نرتاح احجيها كدامج نتقيد، واذا صار شي هاي انتم يمنا وانتي كل يوم تجينا وان شاء الله مايصير

نور:انتي شهل عناد، منار وانتي ما تحاجين اختج قنعيها انتي جيبيها وتعالي

منار :اسفه اني هم استحي من الولد

نور:الله اكبر عليجن اي والله هاي الف مره اجيجن وما ترضن اني من اول مره عرفت ما تقبلن بس ابوي يلح عليه  كل ما اجي لهنا اني رايحه وبعد حتى حجي ما احجي وياجن

مها:نونه شنو سالفه

نور:انجبي انتي بااي

منار:ياا هاي صدك زعلت وراحت، وجج نور

مها:راحت منار وراها تريد تراضيها وهاي معانده خلت وراحت لأهلها
نور كل يوم تجينا تبات عدنا ويجي وياها واحد من الولد يبات بالدوانيه وكل مره تجي عمتي لو وحده من البنات يجبولنا اكل غده عشه وحتى ريوك اني مو هلكد بالطبخ ومنار ما تعرف أكثر من مره اتعارك وياهم لان استحي كلت اني أدبر نفسي تغلبني عمتي وترزلني تكول اهتمن بدراستجن فرحن اهلجن من يرجعون والباقي خلي علينا

منار:ولج مها هاي صدك زعلت حتى ما ترضه تحاجيني وراحت

مها:خلي نشوف منا لليل اذا ما منها خبر نروحلها نراضيها

وره نص ساعه اجاني مسج على تلفوني من شاهين
اول مشفت اسمه انصدمت صار هواي ما شايفته ولا حاجيه وياه

.. الو 💌
رساله ثانيه
.. مها ردي 💌
فتحت المسجات ورديت

مها :هاا💌
شاهين:ليش ما تجيبين اختج وتجين عدنا
احسلج هيج كاعدات وحدجن 💌
مها:مرتاحين بالبيت خلينا وانتم مو بعيدين اذا صار شي💌
شاهين:اذا عليه مستحيه مني  انا ماكاعد بالبيت والولد كذلك بس وقت النوم من شنو متضايقات لمي غراضج وتعالي 💌

ضليت مصدومه شمدري بينا نستحي منهم وخاصه اني لان هو بالبيت مااروحلهم، كتبت

مها:فدوه لا تجبرونا والله مااكدر افهمني 💌