طحت على الارض طلع صوت مني
:منو هنااا
احس نشف دمي من كد الخوف هذا الصوت سامعته واعرفه، حسيت بخطوات تجاهي
شفته ملثم طالعه بس عيونه ولابس دشداشه تقدم ناحيتي خله ضوء بوجهي ورفعني من الأرض
:مهاا شجابج هناا
تصنمت وبقيت ساكته
وخر اللثام عن وجهه
مها بصدمه :مهيمنن
مهيمن:من شوكت انتي هنا وشمطلعج بهل ليل مو تباتون بيت عمي
مها:توني اجيت وعثرت هنا رايح لبيتنا
مهيمن:شلون تطلعين وحدج امي ومنار وين
مها:بقن هنا يباتون اني ماكدر تعبانه كلت لأمي ورجعت
مهيمن:اني كم مره نبهتج ﻼا تطلعون وحدكم وخاصه بالليل منا بساتين وكلشي يصر يجيج ذيب جلب بس ما توبين، امشي يله للبيت
مها:حصلتلي رزاله اضطريت اجذب على مهيمن انو كلشي ما شفت ولا سمعت ورحت للبيت بدلت ونمت
كعدت الصبح عندي دوام بدلت ومريت ع بيت عمي لكيتهم توهم كاعدين تريكت يمهم وسلمت على امي ورحت انتظر السايق اجه ابن خالتي شاكر بيوت اخوالي قريبه علينه بنفس المنطقه
شاكر:صباح الخير شنو منتظره سايق
مها:صباح النور اي هسه يجي
شاكر :تردين اوصلج مدام تأخر
مها :ﻼا تسلم بلكي شوي ويجي، باوعت للساعه ب٧ ونص عزاا بعينه ﻼا يفوتني الدرس الأول واحصل رزاله
شاكر:بطلي منه هذا مدام يتأخر خيولي
مها: ﻼا هاي اول مره مضبوط هو، حت اذا ابطل منو يوصلني بعد اذا بيتنا بأخر الدنيا
شاكر :اني اوصلج هاي سيارتي اخذج واجيبج وبلاش
مها:ﻼا ماريد،
لطش يمي شاكر اريده يروح ماكو شكد حجه وياي مره يريدني ابطل من سايق مره يريد يوصلني مره يسألني ع دراستي ووووو
صارت ب٨ اله ربع اجه نديم حتى يطلع لدوامه وكف يم سياره شاف شاكر واكف يمي اجه بأجتاهنا
نديم :صباح الخير ليش لهسه ما رايحه
مها :السايق تأخر، ومنتظرته
شاكر من شاف نديم سكت
نديم :اي شاكر شو ما رايح لشغلك
شاكر :هلرايح بس شفت مها وكلت اذا تريد اوصلها صار ساعه واكفه هنا
نديم :مشكور احنه موجودين
نديم:صعدي اوصلج،
خابر ع سايق وطلعت سيارته عطلانه صعدت وياه طول طريق صمت جان يكول
نديم:شاكر ابتعدي عنه
:مو يمه اني هو اجه
:من تشوفينه تجاهلي وغيري مكانج و ﻼا تحجين وياه
:مامسويلي شي الولد
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
