Ateşe düştüm
هاي الاغنيه متربعه بنص كلبي😢💔
........................................................................
طول عمري جنت عايشه بحب ودلال وهدوء بيت مليان حنان ماعدنا مشاكل الا نادرا مشاكل تصير بكل بيت وتنحل بيومها ما تعدي ليلتها إذا ما تفض المشكله
ابوي علمنا على التسامح
ابد محد مد ايده عليه من جنت زغيره لحد ما وعيت حتى من اغلط بفد شي واضوج اهلي مستحيل احد منهن يمد ايده عليه شكد اصيح مرات او اكسر حالات عصبيه تجيني نادراً
بس ابد محد منهم ضربني لو اذاني صح ما انكر مرات تجي امي ترزلني لو واحد من اخواني يحاجيني اهده وكلشي ينتهي
اول شخص مد ايده عليه هو شاهين
حسيت اول راشدي خليت ايدي على خدي وبقيت صافنه ما حسيت بالألم من كد الصدمه لثواني استوعبت الي صار فقدت بقيت اصيح هجمت عليه وضربته على صدره رجعته اله هو بساع لزمني من شعري وضل يعت بيه ويصيح
شاهين :ولج حيوانه......
ورجع ضربني مره مرتين ويعت بشعري بحيث تهلس بيده مادري شصار بيه بقيت اصيح بلا شعور فاقده ما متحمله الألم
بالاخير شالني من شعري وشمرني بالكاع
ابجي ابجي واشهك بصوت عالي خدي ورم وراسي احسه خدر من الألم ماحس بي
سمعت صوت باب يندك قوي وعمتي تصيح وره الباب
ام شاهين :يمه شاهين شجاك عوف البنيه
يمه لا تموتها
ولج روحي صيحي نديم خلي يكسر الباب
مها يما تسمعيني حاجيني
اني بالكاع كاعده مكرفصه رجليه ومخليه راسي بين رجليه حاضنه نفسي اشهك وابجي
سمعت صوت شاهين رجع الغرفه رج
شاهين:يابه عوفوني بحالي مالكم علاقه انا ومرتي كلشي مابيها ما ماتت بس عوفوناااااا
فزيت من صوته رفعت راسي شفته كاعد على القنفه لازم راسه ويرجف عروك ايده كلها طالعه ويمكن لاحظت دم يجري من خشمه
تحرك كام رجعت لوره وغطيت وجهي وابجي
دخل يغسل يمكن عافني على حالي يروح ويرجع بالغرفه
فر الغرفه فر راح وراي ضل يشيل بالامخاد ويركع بيهن
ساكت وبس يتفاعل يركع ويفتر يروح منا ويجي منا دوخني
وره ساعه على هالحاله كوه كمت اجر بروحي جر انتبهت لثوبي مشكوك من جهة الصدر رحت الكنتور فتحت باب عيوني مغوشه من كد البجي مااكدر اشوف كوه فاتحه عيوني جريتلي قطعه طاحن كومة ملابس عفتهن ورحت للحمام
سديت باب شغلت دوش وكعدت بالبانيو شعري تهلس اجر بي تجي كومه بيدي انهضمت شهكه ما جاي تروح مني دموعي مو راضيات يوكفن مستمره اشهك وابجي اريد اسكت مااكدر بقيت على هالحاله ماعرف شكد بس طولت شوي وسمعت صوت شاهين يدك بالباب
شاهين:مهاا تسمعيني
خو مابيج شي
ضحكت بداخلي هههه وبكل صلافه يسأل إذا بيه شي عفته ما رديت
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
