غضب الشاهين

Part 4

نور: اني اعرف بشاهين عنده حبيبه انصدمت من كلام ابوي ما جنت اعرف راح توصل لهاي المرحله ابوي راح يضلمهم اثنينهم وأكثر وحده راح تنظلم هي مها،
شاهين الشي الي براسه يسوي راح يتزوج حبيبته والله اعلم اذا ما طلع متزوجها بس مها خطيه ما الها ذنب راح تتحطم حتى إذا ما تحبه اني اعرفها كلش زين راح تتأذه

كملت الجاي ووديته يم امي وحاجيت عمتي

:عمه حروح لمها اكو احد بيتكم

:ﻼا محد موجود بس  عمج ومنار الولد تلكيهم طالعين لو بالمظيف روحي لها

طلعت من البيت وستأذنت من ابوي ونديم

ابو نديم :بويه اذا لكيتي عمج كاعد نادي الي للمضيف

نور:ان شاء الله بابا

رحت لبيتهم دكيت الباب وطلعلي عمي

نور:الله يساعدك عمي

ابومهيمن :هلا بيج نواره دخلي

نور:عمو ابوي يناديك بالمضيف

راح عمي ودخلت اني

:مهااا، ولججج مهااا وينجج

ما اجاني اي صوت منها صعدت لغرفتها دكيت الباب مره مرتين ماكو فتحت الباب ودخلت لكيتها متغطايه ونايمه جريت الغطه منها

لكيتها نايمه بملابس المدرسه انصدمت منها اول تالي مها ما تبدل وتغسل ملابسها اول ماتجي
كعدتها وانطيتها غراضه

:شجاج نايمه بملابسج

:هاا
:الو وياي اصحي يالغافيه

:هااا شنو

:ليش ما مبدله ونايمه بملابسج واكيد ما متغديه

:اي تعبانه ونمت

:كومي بدلي خلي اصبلج غده

:ﻼا ماريد مابيه حيلل

نور:شفتها تغفي وكوه تحجي وياي عرفت بيها شي مو طبيعي حتى ما فتحت العلاكه وشافت أغراضها ولا سألتني طلعتلها ملابس وخليتها تبدل اصريت عليها اصبلها اكل ما قبلت عفتها ورجعت لان ابوي كال ﻼا تتأخرين
.......................
ابو مهيمن: السلام عليكم

جاسب:وعليكم السلام ابو مهيمن

:وديت عليه خوماكو شي
:ﻼا يخوي سلامتك، بس انت تعرف احنه من زمان  رايدين مها لشاهين البنيه كبرت وشبت وناس جاي تجيها ونردهم لان مخلينها بأسم ابن عمها مايصير كدام العالم  يكون أفضل انو نعقد الهم بهاي الفتره شوفلنا موعد واتفق وياهم ان شاء الله ماعدنا شي نقص

ابو مهيمن:بيها الخير خويه البنيه بتكم تفصلون احنه نلبس بس هي موضوع دراستها اشوف بالعطله افضل حتى ﻼا تلتهي

جاسب :مو مشكله شوفها وردلنه خبر
............................

مها : بعد ما راحت نور وغيرت ملابسي حسيت بخمول ومالي خلك رجعت نمت كعدت على صوت امي تكعدني لصلاة المغرب تعوذت من شيطان وكمت صليت ولكيت منار تسوي عشاء