غضب الشاهين

Part 20

‏"أمَّا السَّفينةُ
وأمَّا الغُلامُ
وأمَّا الجِدَارُ
اللهمَّ صبرًا على ما لم نُحِطْ به خُبرًا"
........................................................................
مها؛
طول الوقت اسماء تحجيلي وانا صافنه معقوله كل هذا صار وياها ما حجت ولا احد يدري
تحجي وتبجي اخر شي من كالت لكيت نفسي بالمستشفى وسكتت جرت صونده غسلت وجهه وسكتت شويه شفتها هدئت تمددت وبقت صافنه بالسماء

مها:زين شنو طلع بيج من خذوج للمستشفى

اسماء:ارتفعت حرارتي بسبب شعري المبلله ورجعت نمت ع تكييف صخونه بالعظم
وعندي ضعف فقر دم حاد صار فتره ما كليت شي
والقهر والضغط النفسي كلهن تجمعن وفقدت بقيت ثلاث ايام بالمستشفى يله طلعوني

مها:زين ومقتدى شصار بي شنو سؤاله مهيمن

اسماء:مادري بس الي عرفته باقين شهر بالسجن طلعت عليهم سوالف هواي وكاتلينهم معذبينهم تعذيب يله معترفين
وبعدين صايره عشائر واجو عمام الولد طلعوهم بكفاله تعهدو انو ما يتكرر هذا الشي واذا تكرر الهم الحق يعتقلونهم وتكون العقوبه أشد

مها:مهيمن سولفلج

اسماء:اي

مها:زين وبعدين شلونه علاقته وياج

اسماء:وره ما صحيت وصرت شوي احسن بيومها من اجيت يمكم عبالي هو بالدوام جنت اتجنب التقي بي بكل وقت خجلانه منه
لاكاني بالباب وسلم عليه وكأن شيئاً لم يكن استغربت منه
وهم ردت اسأله وترددت طلع للحديقه
ورحت وراه داير وجهه ويدخن انتبهلي اني ساكته ومدنكه
مهيمن:رجع لأهله وهسه نايم بيته

اسماء :شلون

وباوعلي بطرف عينه وبلش يحجيلي الي صار
لاخر شي كالي مراقب هو أصدقائه واي غلطه ارجعه للسجن واحكمه

بقيت ساكته ومدنكه اريد اعتذر منه ومستحيه

مهيمن:احجي شتردين تعرفين بعد

اسماء :اني اسفه، وبجيت

مهيمن :شنو ما شبعتي من البجي عيونج راحن

اسماء؛
مدنكه وامسح بدموعي بدون صوت

مهيمن:اعتذارج ما يفيد بشي ولا يقدم ولا يأخر الي اريده منج كل الي صار تاخذينه على محمل الجد وتعتبرينه درس الج الشي الي صار ما أريده يتكرر مهما صار وتحت اي ظرف، تماام

اسماء :اكيد والله اني اعترف غلطت ومستحيل ارجع اعيد هذا الغلط

مهيمن:تلفونج عندج

اسماء:اي هذا

مهيمن:انطينياه

اسماء:ليش

خزرني بعيوني بساع انطيته اله

مهيمن:يله روحي يم بنات تلكيهن فوك