غضب الشاهين

Part 24

مها:
خذيت هاي الايام مره عند د اهلي ومره بيت عيالي مرات كذا مره اروح اشتغل واطبخ يم اهلي لان منار ما تعرف وامي تطلع يبقون ابوي واخواني اروح اسوي لهم اكل وشي
وفرغت وقت للقرايه لان عندي امتحانات قربت وجنت ملتهيه بالعرس واهلي

علاقتي زينه وي بنات عمي  من زمان حتى من تزوجت وبخصوص الشغل ما قسمناه بقى   كذا مره اذا ما عندي شيء اساعدهم ولاني امتحانات ما يخليني اشتغل هواي فرغت من وقتي  حتى اقرا

شاهين بين فتره وفتره نتواصل اول ما راح يتصل ويراسل ويسأل
تواصلنا كان متبادل
وأكثر شي هو يسأل عني وعن اهله ويسألني عن تفاصيل شصار ماصار بغيابه
تأخر اسبوعين اول اسبوع تواصل مستمر كل يوم
ثاني اسبوع ضل يقطع مرات اتصل يرد كلمه كلمتين ويكلي مشغول ويروح
ومرات ما يفتح خط اتصل وينغلق وحده مايرد
مراسله همات من اراسل بقه يتأخر بالرد واخر شي دزيتله شاف ومارد
قلقة عليه حييل
مايرد لا على اتصالاتي ولا مراسلاتي

نزلت لعمتي اريد اسال علي لان صار لي اربع ايام اتصل وراسل ما يرد
فكلت ابلغ عمتي حتى يتصلون بي نزلت يمها حاجيتها

بالبدايه كلت ما اخوفها واستفسر من عندها يلا اكول لها انه صار اسبوع  ما موجود

رحت للمطبخ ما لكيتها سألت بنات كالت بغرفتها
لكيت الباب مسدود دكيته وسمعت صوتها

ام شاهين :تفضل

مها :مساء الخير عمه شلونج

ام شاهين: هلا يمه تعال يمي

مها :اكلج عمه شنو اتصلتي بشاهين اليوم

ام شاهين :اي يمه قبل شويه جنت احجي وياه هسه سديته ليش ما ما اتصلتي بيه

انصدمت هالفتره كلها اتصل صار لي فتره قلقانه وما اريد اكول لاحد حتى لا يخافون وطلع موجود يتصل بعمتي بس ليش ما جاي يرد عليه

جاوبت عمتي قلت لها

مها:ها عمه بس اليوم لان تلفوني طافي وما بي نت ما اعرف شنو بيه فما اتصلت بيه كلت اشوف اخباره من عندج اذا متصله بيه
زين عمه كل يوم تتصلين بي موجود موو

ام شاهين :ايي يمه كليوم اخابره مااكدر اله اسمع صوته اخاف عليه

مها:تمام عمه راح اروح محتاجه شي

ام شاهين: اوكفي خابرته احجي وياه

بعدني ما رديت عليها بساعه اتصلت علي جنت رايده اطلع بس صاحتني

ام شاهين:تعاي يمه هذا هالرد ها يمه شلونك

فتحت حاكيه اسمع صوته

شاهين:هلا بيج حجيه ها اشتاقيتيلي مو توج تحجين ويااي

ام شاهين :يااا ولك هاي مريتك قلقانه عليك وكالتلي اشوفك تلفونها يمكن عطلان