مساء الخير
لا تحكمون عليه بسبب تأخيري ظروفي ومحد يعرفها ومثل ما وضحت بالانستا القصه شكد ما بيه راح اختصرها وما أطول بأحداثها 🙏♥️
احبكم اني♥️♥️♥️♥️♥️
#فاطمه الجبوري
#جمره الجبوري
.................................................................
الي بيعيش تحت جناح غيره بعمره مراح يطير.
.
.
.
مها :عندي شرط بعد
عاف الي بيدي وكعد
شاهين :اسمعج
مها :من تجيب زوجتك هنا تنسى عندك زوجه ثانيه اسمها مها وهاي غرفتي كل غراضك تطلعهن منها بحيث ماريد اشوفك بالغرفه ولا تطلع كدامي ابد حتى سلام لا تسلم عليه......
تقرب مني خله ايده على خدي وثانيه حاوطني بيها وجرني اله جان يحجي نبرة صوته هادئه وحنينه
شاهين :سمعيني مها ديري بالج تنقهرين لو تضوجين صدكيني جنت رايد انهي علاقتي بيها بس اكتشفت حملها
والا شفتيني طول مدة زواجنا ما حجيت بالموضوع ولا جبت طاريه بس كلشي انقلب بلحظه
باوعتله وعاكده حاجبي
مها :ما يهمني
شاهين :هههههه حافظج حفظ خارجج شي وداخلج شي ثاني اعرفج حساسه وتتحسسين من كلشي، فأذا صار شي تعاي كوليلي انا افهمج ولا تبقين تقهرين بروحج
مها :معليك بيه
شاهين :عليه ونص
وخرت عنه خذيت تلفوني ونزلت جوه رحت للمطبخ من قهر والضوجه طلعت اكل وضليت اكل شغلت تلفوني وطلعت مسلسل ضليت اباوع وبالي مو يمه سالفه تجيبني وسالفه توديني بقيت بالنص ساعه بمكاني بالي شارد رفعت راسي ولكيت شاهين واكف بالباب وصافن عليه باوعتله ورجعت لطبيعتي اكل واباوع
شاهين :كومي نامي
مارديت
شاهين :مهاا
رفعت راسي اله
شاهين :تعاي نامي موزينلج السهر
كمت عزلت الاكل وغسلت وصعدت وهو وراي، فراشي بالكاع بساع بس بدلت وتمددت بالكاع
سمعته يتأفأف حاجاني مرتين وما ردتين عاد سكت عني واني نمت
..
نور؛
كعدت الصبح علمود امي غسلت ونزلت لكيتها شاده راسها وكاعده بالمطبخ
نور:صباح الخير يمه
ام شاهين :صباح النور
نور:ها شلونه صار راسج
ام شاهين :بعده يوجعني
نور:تريكتي لو بعدج
ام شاهين :ما اشتهي يمه
نور:يمه شنو سالفه جنتي تحجين علينا من نتمرض ونكطع الاكل
ام شاهين :من وره اخوج خله على حالي حال
أنت تقرأ
غضب الشاهين
Romanceتحكم عليهم العادات والتقاليد لتحطم أحلامهم شاهين :يتزوج بنت عمه بالاتفاق معها ليحصل على حبيبته، سيكون زواجهم بالاجبار والاتفاق دون علم احد، كيف يجبرها على الموافقه منه؟ هل سينتهي هذا الاتفاق؟ وهل سيحصل شاهين على حبيبته؟ للحكاية بقية ♥️🤌
