နွေအိပ်မက်🌷[ summer dream ❣️]
အပိုင်း၂၃။🍁
" ဟလို စက် ရှင်ဘယ်မှာလဲ။ "
" ဒီလူ ရဲ့ ဇနီးလားဗျာ့ ခု ခင်ဗျားယောက်ျား ဓားထိုးခံရပြီး ဆေးရုံရောက်နေပါတယ် ။ "
" ရှင်! "
" ခု ချက်ချင်းဆေးရုံ ကိုလာခဲ့ပါဗျာ့ ။ ဆေးရုံက (.....) ပါ ။ "
"ဟုတ်ကဲ့ ကျွန်မ ခုချက်ချင်းထွက်လာခဲ့ပါ့မယ်။ "
ည ၁၂နာရီ ထိ အိမ်ပြန်ရောက်မလာလို့စိတ်ပူပြီးဖုန်းဆက်လိုက်တာ ။သူ ဆေးရုံရောက်နေတယ်တဲ့လား။
သူဘာဖြစ်တာလဲ။ဘယ်သူက သူ့ကို ဘာလုပ်လိုက်တာလဲ။
ည ၁၂ နာရီ ရှိပြီဆိုတာ တာတာ့ အတွေးထဲမှာ မရှိတော့ဘဲသူ့ကို စိတ်ပူတဲ့စိတ်သာကြီးစိုးနေသည်။မချစ်ဘူးလို့ကြွေးကြော်ထားပင်မယ့် သူ့ကို တာတာတစ်ကယ် စိတ်ပူနေမိတာပါ။
.
" ဒေါက်တာ ကျွန်မယောက်ျား အခြေအနေ ဘယ်လိုရှိလဲ။ "
" ကျွန်တော် တို့အကောင်းဆုံးကြိုးစားနေပါတယ် ဗျာ။
အစ်မ စိတ်ငြိမ်ငြိမ် ထားပါ။ "
" အင့် ။ "
ခွဲခန်းရှေ့က ခုံတန်းပေါ်မှာ ဝင်ထိုင်လိုက်ပြီး တာတာဒူးပေါ်မျက်နှာ အပ်ကာ ငိုနေမိသည်။သူလဲ သူလဲကိုငယ့်လို ဖြစ်သွားရင် ဘယ်လိုလုပ်မလဲ။ကိုငယ့်လိုသူလဲ တာတာ့ကိုထားသွားရင် ။အတွေးနဲ့တင် ကျွန်မသိပ်ကြောက်တယ်စက်ရယ်။
အဲ့နေ့က မနက် ၇နာရီ ထိ တာတာ ခွဲခန်းရှေ့မှာ ငုတ်တုတ်မိုးလင်းခဲ့ရသည်။တစ်ယောက်ထဲ ကျန်ခဲ့ရရင်ဆိုတဲ့ အသိက
တာတာ့ကို အရာအားလုံးထက်ပိုပြီး ခြောက်ခြားစေတာအမှန်။သူ့ကို ဘယ်လောက်ပဲ မချစ်ဖူးလို့ပြောနေပါစေ တာတာ့ နှလုံးသားထဲမှာ သူက တစ်ပိုင်းတစ်စတော့နေရာယူနှင့်နေပါပြီ။
" ဒေါက်တာ သူ ။ "
" အဆင်ပြေသွားပါပြီ ဒါပင်မယ့် ခုထိတော့သတိမရသေးဘူး ကျွန်တော် တို့ ဆေးရုံအကောင်းဆုံး အခန်းကို ရွေ့ပေးပါ့မယ် ကိုဧဒင်စက်က ကျွန်တော် တို့ဆေးရုံ အတွက် vip လူနာပါ။ "
သူတို့ အရွေ့အပြောင်းလုပ်နေတုန်းတာတာ အိမ်တစ်ခေါက်ပြန်ပြေးရသည်။အဝတ်အစားတွေနဲ့ လိုအပ်တာတွေကို ယူကာတစ်ယောက်ထဲဆိုအဆင်ပြေမှာမဟုတ်လို့ အားနာပင်မယ့် ချောချောကိုလဲ ဖုန်းဆက်ပြီးပြင်ဉီးလွင်ကိုဆင်းလာဖို့ မှာလိုက်ရသည်။
YOU ARE READING
နွေအိပ်မက်[summer dream][complete](zawgyi&uni)
RomanceဒီFic လေးကလူသုံးယောက်ရဲ့ အချစ်အကြောင်းကို တစ်မျိူးစီဖတ်ရှုရမှာပါ။ အချစ်က ရယူခြင်းလား။ ပေးဆပ်ခြင်းလား။ ပိုင်ဆိုင်ခြင်းလား။ ဆိုတာသိချင်ရင်သာသာနဲ့ အတူတူ fic ထဲအလည်လာဖို့ဖိတ်ခေါ်ပါရစေ။😇 .......................... ဒီFic ေလးကလူသံုးေယာက္ရဲ့ အခ်စ္အေၾကာင္...
![နွေအိပ်မက်[summer dream][complete](zawgyi&uni)](https://img.wattpad.com/cover/311211343-64-k410168.jpg)