جمدت بذهول لأنها في هذي اللحظة استوعبت فعلًا انها تزوجت ، تزوجت بسبب اهلها ، وتكلمت بسخريه تهز راسها بالموافقه : ايه زوجته
كانت ثواني واعطاها مفتاح وأشر لها ناحية المصعد
_
-بيت عبدلله-
كانت تتحلطم وهي تدرس بملل : ابوي زوجني ما ابغى ادرس ملّيت
ضحكت غسق وهي تتشمت على اختها : تخيلي ادرس
رفعت غِيم حاجبها وهي ماعندها مشكله الحين تقوم تتضارب مع غسق اهم شي ماتدرس : غسق !
ابتسمت بورطه لأن اختها وقت الدراسه فعلًا تدور مشاكل : خلاص اسفه
دخل عمر وهو يدندن ويغني : وينك يادرب المحبه وينك يادرب المحبه هل اقفلوك الحبايب
هزت غِيم راسها بالموافقة : اي ولله وينك يادرب المحبه ، ابيه الحين
ضحك عمر يقبّل راس اخته وخرج من خلفه علبه داخلها شي هي تحبه : خمني؟
شهقت تغطي فمها : العقد !
هز راسه بالموافقة يضحك على فرحتها وهو يفتح لها العلبه ، وكانت على وشك اخذه وعينها تلمع بحمس وابعده خلفه : لا
رفعت نظرها له بصدمه : وش لا؟
عمر : خلصي مذاكره بالاول واوعدك اوديك الكوفي الي تحبينه واعطيك هو
ابتسمت تشجع نفسها : تم الحين اذاكر واخذ الفل مارك وتشوف
ابتسم يشجعها وهو يسحب غسق من ياقتها الخلفيه وراه : لاتجلسين عندها اعرفك
ابتسمت بعبط وهو يسحبها وهي تمشي وراه طواعية
_
-مكان ثاني-
كان يدخن وهو يكلم ابراهيم وحوليه بعض الرجال : شفتها؟
ابراهيم : شفتها وكنت بضربها ، بس مسكني واحد ابن ## وضربني ، ولله يا ابوي يده ثقيله مو طبيعي الرجال
طلال : وين كانت ، تعرفه انت؟
نفى ابراهيم وهو كان في المستشفى لان خشمه انكسر : ابوي تكفى خذ حقي منه تكفى
ابتسم طلال : مو انا ابوك ليه الخوف؟
ابتسم ابراهيم : الحمدلله انك ابوي ، بس مادوك تعاقب سيف على الي سواه؟
تنهد طلال : سيف رجُل دولة محمي و في الاول ولدي مقدر امسهّ
ابراهيم بغيره : عاق هو
طلال : لان ورد موجوده ، لو ميته كان هو معانا الحين ويترك الهبل
ابراهيم : وش بتسوي؟
ابعد طلال السجاره يطفيها في مكانها المخصص : بروح الرياض بنفسي وعندي هناك رجال صديقي من زمان وله بالامور هذي اشوفه ونتقل ورد ، ليتني قلتلتها من صغرها بس سيف وش نسوي له
سكر الخط يضرب الطاولة برجله : سيف سيف سيف ، ما كأن عندك ولد ثاني
