قبّل راسها لـ ثواني طويله : ابشري بس نروح البيت تلبسين عبايه و تغيرين لبسك اول و اوديك المستشفى ولا تزعلين
_
~بيت رماح~
فتحت الستاره و شافت فِراس الي مازال نايم على الأرض لانه صار يلازمها بكل مكان من بعد غياب ورد عنه : فِراس يلا قوم يكفي نوم
نفى وهو يهمس :اذا جات ورد صحيني طفشت وهي مو موجوده
شتت نظرها وهي تلبس عبايتها : بخرج انا
وقف بسرعه وهو يعدل لبسه : وين؟
ديم : الجامعة امي بالبيت
فِراس : و الباقي؟
ديم : زياد بالكوفي و هُمام بشغله و ابوي عند امي
هز فِراس راسه بـ زين و رحع يتمدد : مع السلامه
صغرت عيونها تشوف فعلًا ناوي ينام و صرخت بعدم تصديق : فِراس !
تنهد يرفع راسه : نعم يا ديم
تخصرت وهي تراقبه : ما ودك تروح المدرسه؟
كشر وهو ينفي : اكيد لا
ديم : و ليه تتعلم وتصير ذكي
عقد حاجبه بثقه : انا ذكي و المدرسه مو بمستواي
انفجرت تضحك وهي تسحبه : قوم قوم الله يهديك
من دخلته الحمام نزلت وهي تتحصن و شافت ابوها الي عاقد حاجبه بأنزعاج : ابوي؟
رفع انظاره لها و اشارت لها اريج بالسكوت جلست ، بجنب امها بإستغراب تهمس : وش صار؟
اريج : بيت عمك براء انحرق قاعد يعرف السبب
شهقت توقف بذهول : نعم ! وانا ادق عليها ما ترد ، وينها؟
سكتت تبتسم من شافت نظرات ابوها و جلست : طيب طمنوني
سكر رماح بعد ما ودع الموظف وهو يزفر : يا بنتي يعني لو صار شي بجلس هنا؟ بخير هم بفضل الله ثم يزن
عقدت حاجبها : يزن؟
هز راسه بإيه : دخل خرج جمان رجلها مكسوره ما تقدر تمسي تعرفين
_
~بيت أدهم~
دخل وهو يحط مفاتيحه على المدخل و شافها تطلع و مشي خلفها بهدوء ، تغيرت هي صارت تخاف و هاديه و تسرح كثير و مايلومها
فتحت الباب بأرهاق لكن وقفت خطواتها من شافت العنود جالسه على السرير بكامل زينتها تحط رجل على رجل لكن من شافت ورد وقفت بصدمه ، اخذت نفس تخرج تسكر الباب و همست من دون ماتناظره : ايش اسمه ذا؟
عقد حاجبه بعدم فهم : ليه خرجتي؟
اخذت نفس وهي تشد على الباب و رجعت فتحته : تسمين خذي الحركات اغراء؟
توجهت ناحيت العنود وهي تتأملها بقرف من اصبع رجلها لـ راسها : ارخصتي نفسك و كثير حتى اذا حبيتي احد كرامتك اهم من كل شي انتِ كيف راكب عقلك؟
مشت لها اكثر و تأففت بملل : بس ادخل بمشاكل و اهاوش مليت انا حرمه حامل احتاج الراحه
كانت عنود على وشك تتكلم لكن كف ورد تركها تسكت تبلع كلامها : شايفه نفسك؟ مُثيره للشقفه و كثير ، انخطفت زوجته تجين تجلسين على سريهم و كأنه بيتك؟
كان أدهم يمسك نفسه لا ياخذها من شعرها و يرميها يقتلها لكن ورد تتكلم و مستحيل يقاطعها ، لف انظاره و شاف ورد الي مسكت شعر عنود بقرف وهي تمشيها خارج الغرفة : كرهت عمري من مسكت شعرك و شعر الي قبلك كلكم ###
صرخت عنود وهي تبكي : اتركيني ، أدهم ساعدني
نزلت الدرج وهي تمسكها تمشيها قبلها : تنادين مين عشان يوقف مين؟ مريضه انتِ مُتخلفه
صرخت عنود وهي تحس بشعرها يتقطع بيد ورد : أدهم
دفتها ورد بغضب تطيحها من الدرج : يكفي الله ## يكفي زوجته انا واقفه قدامك تستنجدين فيه؟ يكفي يا عنود حرام عليك اهلك و تربيتهم حرام ، اتركينا بحالنا يكفي
عض شفته من شاف ورد تدفع العنود تطيحها اخر الدرجات و نزل يوقف بجنبها و همس بحده : اخرجي
وقفت تعدل شعرها : بس أد
نزل لها وهو يخنقها يعض شفته : عرفت انك انتِ الي ساعدتهم يا عنود عرفت ، كنت مهمشك في حياتي لكن الحين صرتي من اعدائي ، ورد حطي تحتها سبع خطوط حمراء مسكتهم كلهم و بنفرد فيك و بلعب فيك مثل الخاتم بأصبعي
هي تغير لون وجهَا للازرق من عدم وجود الاكسجين بس هو ما كان مهتم كان يبي يشوفها تموت و بس لكن يد ورد الي لمست ذراعه تسحبها لها تركته يرتخي وهو يهمس : اخرجي لا تشوفك عيني
سمع صوت الباب يتسكر و حضنها وهو يغمض عينه بتعب : اُرهِقت يا وردي تعبت من الناس و من حياتي ، ما اقدر اخذك و نروح نبقى انا و انتِ؟
شدت على حضنه وهي تبتسم : انا و انت و روح ، نشوفها و ناخذ صورة السونار لها و نروح المكان الي ودك فيه
ابعدها بس يدينه تحاوط تخصرها : تجين معي؟ حتى لو رحت نهاية العالم؟
هزت راسها بإيه وهي تبتسم : معاك
عض شفته وهو يحشر راسه بعنقها : الصيام بوجودك صعب
حاوطت عنقها تمد اصابعها لـ سعره تتلمسه : اشتقت لـ شعرك
ابتسم من حس بأصابعها تلعب في شعره مثل عادتها : و انا اشتقت لك
ابعدته وهي تبتسم بحماس : يلا نروح المستشفى نتطمن عليها و نروح المكان الي تبيه
ابتسم وهو يمشي معاها لـ غرفتهم : لا تاخذين شي اذا ما ودك نشتري كل شي من هناك
لفت له بأبتسامه : اخترت المكان؟
هز راسه بإيه : روسيا
ضحكت وهي تدخل ذراعها بذراعه : اتخيل اجلس فترة حملي هناك ، و اشوف روح تلعب بوسط الثلج
ضحك من تخيلتها الي رسمتها لهم وهو يشوفها تكتفي تشيل شنطة تحط فيها اغراضهم لأول يوم
_
~بيت سيف~
