حست بشعور مؤلم بصدرها ان حتى هالفرس تتجاهلها : سويت شي غلط حتى انتِ تتجاهليني؟ ماسويت شي ولله بس صدقت كلامه والحين ما اثق ابدًا طيب؟ يعني لاتزعلين مني
هي غطت فمها من حست بنبرتها ترجف في نهايه كلامها وغمضت عينها وهي تهمس : لا لا
جلست قدام آشجان تضم رجلها لصدرها وانظارها لها وراح تفكيرها لـ كلامه ثاني مره ، كيف يقول كلام كبير مثل كلامه معاها وهو يتجاهله ولايعتبر لها اي وجود ، حتى في السياره طول طريقهم ساكت ومشغل اغاني بأعلى صوت وكأنه يقول " لاتتكلمين"
رفعت نظرها من وقفت قدامها العنود وهي تضحك بسخريه : انتِ زوجته؟
شتت نظرها بعدم اهتمام : عرفت السالفة كلها ، طلع متزوجك شفقه
ضحكت بسخريه شديد وهي تحاول تتقبّل الموضوع : ما اصدق انه خلف وعده لي عشان يتزوجك وعشان اجر ، في النهايه وش يبغى بوحده اهلها مايبغونها ، ماصدقت يوم سمعت ويوم قال لي هو وعدني يتزوجني بأقرب وقت تدرين؟
وقفت وانظارها داخل عيون العنود تمامًا : اول شي انا لاتحاولين تدورين زله علي مثل موضوع الزواج لأن وحده مثلك حتى المجنون بيرفضها ، ثاني شي لانكذب على بعض هو قال لك بيتزوجك بأقرب وقت؟ قلت لك حتى المجنون مايقبل فيك فـ كيف أدهم يقبل فيك
عضت العنود شفايفها بغضب : بيتزوجني هو وعدني !
كانت على وشك ضربها إلا ان ورد مسكت يدها تدفها بجمود ، وطاحت وهي تطالعها بقهر ، وكانت انظار ورد بارده بشكل ارعبها ، وهمست بكلمه قبل تمشي من جنبها بكل هدوء : مقامك
خرجت وشافت أدهم الي كان يجلس على كبوت السيارة وقدامه فِراس الي واضح انه يستهبل : ورد !
لف أدهم انظاره لها من شاف فِراس وقف يناديها..كانت على وشك تدخل الا انها فتحت عينها بصدمه من شافت العنود الي خرجت وهي تمسك يدها وهي تبكي : ولله لا اربيك يا ورد !
شافت نظرات عنود على أدهم الي اعطاها ظهره يغض بصره عنها ، ومشت للداخل تنادي اختها : منال
شدت على يدها بغيره شديده وهي تمسح وجهها وتستغفر لأن حركت العنود استفزتها بشكل مو معقول : ايش سويتي؟
كان هذا سؤاله من وقف يمشي ناحيتها وابتسمت بسخريه : تهتم لها؟
مسك فِراس يدها يناظرها : شفيها هذي تبكي؟
رفعت كتفها بعدم معرفة وهي تنزل له : نروح لـ بيت سيف سوا؟
عقد حاجبه : بس ماما موجوده عادي عندك؟
عضت شفتها تشتت نظرها وهي تهز راسها بأيه : عادي الحين اكلمه يجي
وقفت تتوجه للمخيم إلا انه مسك ذراعها يسحبها نحوه : وش عندك؟
رفعت حاجبها بسبب حركته ونظرته الحاده : اترك
نفى يلصقها فيه : تروحين البيت وتنادين سيف خير مافي زوج واقف قدامك؟
ضحكت بسخريه تنفص يدها وتبعد : مافكرت بذا الشي وانت تطالع بعيني وفي حضنك وحده؟ وتجيني اختها تقول انها تحبك وتعشقك و وعدتها بالزواج وسوالف الأطفال هذي ، تدري؟ ماتهمني لا انت ولا الي داخل هي و اختها ، والحين اتركني بروح بيت شخص يعزني اكثر منك بمليون مره
دخلت وهي تجلس بغضب ودخلت يدها الراجفه بجيب جاكيتها وهي تدري ان سيف مايقدر يجيها لأنه برا الرياض هذا الأسبوع ، و وصلت رساله لجوالها "تعالي"
دخلت جوالها بجيبها وهي تتجاهله وابتسمت من جلست ديم بجنبها : أدهم يقول ينتظرك عند الاسطبل
تنهدت بملل وهو تعمد يكلم ديم لانه يعرف انها ماتحب تبين لأحد انها في مشكله معاه وبما ان ديم جاتها تقلها فهي مضطره تروح له
