ضحك بفرح : تطبوخ البيبي؟ لانا علمتني ان امها و ابوها طبخوها و وقتها جات للحياه
صدت هي بصدمه و انفجر أدهم يضحك : ايه ايه نطبخ البيبي ، نطبخ اكل يا فِراس اكل عشان لا تجوع
لف فِراس انظاره للاكياس : ايش هنا؟
أدهم : حلويات و اكل عشان لا تجوع بالطياره
نط بفرح وهو يشوف ابتسامة ورد و انظارها الي على أدهم : ليه وجهك احمر؟
لفت انظارها لـ فِراس و تحسست وجهّا : مو احمر
حطها أهم تحت ذراعه وهو يمشي : روحي البسي عبايتك و انا بنزّل الشنط ، فِراس انا بجيب لك شنطة صغيره حط فيها كل الحلويات وش رايك؟
فِراس بحماس : قدام
ضحك يطلع معاها يشوف ابتسامتها و يتمنى انها تدوم وهي بهذا الفرح و ما يقربها الحزن ابدًا
_
~بيت شاهين~
ركضت لانا تصرخ : والله يا لوسي اطردك
تنهدت ميان بملل : لانا نوم نوم !
نفت لانا وهي تشيل لوسي اخيرًا وهي تزفر براحه : ماما لازم لوسي تنام اول
عقدت لانا حاجبها من وقفت ميان تركض للحمام -الله بكرمكم- ترجع كل الي بداخلها و ركضت لانا تنزل لـ مكتب ابوها : بابا !
رفع شاهين نظره على اوراقه بأستغراب و شاف لانا الي زامه شفايفها بخوف و لوسي بحضنها : بابا ماما في الحمام تتعور
وقف بذهول يركض للاعلى بخوف : ميـان !
دخل و شافها تغسل فمها وهي تنفي : مافي شي
نفى يسحبها له يتفحصها : رجعتي؟ تعبانه؟ فيك حراره شي؟
نفت وهي تبتسم بهدوء من حضنها و همست : اعتقد اني حامل ابي تحليل حمل
ابعدها بصدمه و همس : احلفي؟
ابتسمت بعدم تصديق : حبيبي قلت لك اشك
شاهين : انتظريني
اخذ مفتاح سيارته و جواله يخرج تحت انظار لانا : ليه مستعجل بابا؟ ماما فيكِ شي؟
نفت وهي تجلس على السرير : لولو لو جاك اخ او اخت ايش بتسمينهم؟
شبكت لانا يدها بحب : لو اخ بسميه فِراس و لو اخت بسميها ورد
ضحكت ميان : اسم جديد
لانا : لين ! حلو قريب من اسمي
_
~بيت ابو سعود~
بكت وهي تمسك راسها من الألم الي صابها بعد ضرب ابوها و عصبيته و شافت المناديل الي بكل مكان مملوئه بالدم بسبب نزيف انفها و شفتها
نرجع قبل وقت
كانت جالسه تفكر بخطه تسويها ترجع ورد تختفي و تروح بيته بدري هالمره لانها تدري هو كان يبيها بس ورد دخلت قبله و خربت ، لف انظارها للباب من انفتح بغضب و عقدت حاجبها : ابوي؟
قرب منها يزفر بعصبيه يمسك شعرها يوقفها بغضب : وش سويتي انتِ وش سويتي !
غمضت عينها بألم : ابوي اتركني وش سويت
صرخ فيها بغضب يرميها : جاني أدهم يا بنت جاني أدهم يقولي بنتك جالسه بوسط غرفتي على سريري وكأنها زوجتي بكامل زينتها
خلل يده في شعره بعدم تصديق : عنود تبين تجننيني؟ ظنيته حب طفوله وش تهبدين انتِ وش !
رفعت يدها بإلم تزحف للخلف : ابوي يكذب عليك لا تصدقه
نفى بسخريه : عنود يكفي كذب يكفي ولله حرام عليك انا قلت لكم ربيتكم احسن تربيه و امكم ماقصرت ليه تسوين كذا ، تبين تخربين سمعتي بين الناس؟ سويتيها رغم ان ادري أدهم ساتر عليك هو وزوجته بس انتِ طيحتني من اكثر الناس الي كل واحد يتمنى يكون بصفه يا عنود ، فشلتيني فضحتيني
وسعت عينها من تقدم لها بغضب يمسكها من ذراعها يوقفها : وش اسوي فيك؟ علميني
نفت بخوف وهي تحاول تبعد : ابوي لا لا !
ضحك بجنون لانها فهمته : بوديك بس بعد ما اطلع قهري فيك يا ##
صرخت من شد شعرها يضربها كف يطبع اثره من قوته : امـي
بكت من سحبها يرميها وهو دموعه تنزل : احبك يا بنتي ولله لكن اذيتيني بشكل يتركني اسوي كل هذا
ضربها لكن بكل صرخه تصرخها هو يعض شفته يحاول يمنع دموعه تنزل لكن هو يحب بناته بس هي تجبره رغم انها تعرف ان اكثر شي يهمه شرفه و سمعته
_
~مطار روسيا ، الصبـاح~
