ما كملت كلمتها من صدمتها ان روح مشت تحرك اقدامها تتوجه ناحيتها و في يدها الباقه الي تخرب توازنها تصرخ : روز !
وسعت اريج عينها شوف كيف روح تتدارك خطواتها لا تطيح و كيف هي مركزة و من وصلت رفعت راسها : ماما
حملتها اريج تقبّل خدها بفرح و اخذت الورد الي مدته روح بفرح : يناس ايش هذي الخطوات الصعيره ايش هذا و ايش اللطف هذا ، الورد هذا لي؟
هزت راسها بأيه وهي تبتسم تظهر غمازاتها و رفعت نظرها لهم كيف يبتسمون و اشرت لهم يقتربون : الله يهديكم ايش الجمال هذا ، جايبين عسل عسل مو آدميه
ضحكت ورد وهي تشوف روح الي تلعب بشعر جدتها : فرحانه ان شعرها مثل جدتها
دخل رماح و صرخت روح ترمي نفسها عليه تتنظره يحملها و فعلًا مد يده ياخذها بضحكه : يا هلا ببنت أدهم يا هلا
من حملها هي سحبت الشماغ رمته على الارض و اخذه رماح قبل يوصل الأرض يضرب جبينها بخفه : عيب يا روح
زمت شفايفها بـ زعل و قبّل رماح خذها : لا تزعلين يا روح سوي الي تبينه
نفت ورد : لا يا عمي ولله تدلع كيف تطلع بعدين
دخلت ديم و من شافت روح واقفه تمشي لـ ابوها هي صرخت : روح !
خافت روح و بدت خطواتها تتسارع و من كانت بتطيح حملها أدهم : اوب !
لفت ورد لـ ديم بعصبيه : ديـم !
اريج : ليه تصرخين ابي افهم !
وسع سيف انظاره بـ صدمه : شفيكم عليها فرحت للبنت
هزت رماح راسه بإيه : بنتي ما تصرخون عليها !
كشرت ديم بوجه روح و همست : عمتك انا يا كل
غطت ورد فمها : عيـب ما تقول كلام كذا قدام روح !
اشرت ديم بالسكوت مباشرة وهي تبتسم : ابي اشيلها
ابعدت ورد و مدت ديم يدها لكن روح صدت وهي ترخي راسها على كتف ابوها الي ابتسم : ما تبيك توكلي
وسعت ديم عينها و ضحك رماح ياخذ روح من احضان أدهم يمدها لـ ديم : لا تزعلين
كانت دقايق و امتلى البيت من الكل مو العايلة فقط مع الاصحاب و الأحباب..
كانت لانا انظارها على روح الي تدور قدام امها و من فقدت توازنها تجلس ضحكت لانا تأشر عليها : ما تعرف تمشي
حمل فِراس روح يوقفها وهو يعدل شعرها : بشويش
ابتسمت ورد وهي تشوف كيف فِراس مسك يدها يساعدها تصبت في مكانها و كيف لانا كشرت تتكتف بغيره
_
عند الرجال
ناظر عمر سيف لـ ثواني و لف انظاره لـ ابوه لي ابتسم يهز راسه بـ زين : سيف
لف سيف لـ ابو عمر يبتسم : هلا
عبدلله : يا ولدي بما انك من اقرباء التوأم ابي اطلب منك يد بنتنا أنهار لـ ولدي عمر على سنة الله و رسوله
زادت ابتسامة سيف يشوف ابتسامة عمر المتوتره : يا حلو الخبر بالأيام الحلوه ، الساعه المباركة يا عمي الحين اشوفها
وقف سيف و انظار عمر تتبعه لين ضربه ابوه على رجله : طلبناها وين عيونك
ضحك بتوتر وهو يشرب من قهوته بهدوء
_
ردت ورد على جوالها و من سمعت ضحكة سيف هي ضحكت : شي حلو صح؟
هز راسه بإيه و لف انظاره للمجلس : الموضوع فيه خطبة يا اختي
ضحكت مباشره توقف من بينهم و الجوال في اذنها : وينك انت؟
سيف : روحي للمطبخ بجيك هناك
هزت راسها بـ زين تسكر الخط
ناظرتها ليال بـ استغراب : ورد عليها حركات مو عاديه
كانت روح تناظر مكان خروج امها و يدها بـ يد فِراس و اشارت للباب : ماما !
هز راسه لـ زين يخرج معاها لكنه توجه لـ مجلس الرجال و من دخلت تعالت اصواتهم يحيونها و كيف انها ضحكت تسوقها خطواتها لـ ابوها الي فتح ذراعه لكن ماامح سكنت بغيض من حملها زياد وهو يقبّل خدها ، ضحك رماح من نظرات أدهم لـ زياد الي ضحك بعدم تصديق : عمها يا اخوي عمها
كشر أدهم و مد هُمام ذراعه : انا افضل عم بالعالم جيبها بنت اخوي
سحبها أدهم من بينهم و هالشي تركها تضحك تتعلق بـ عنقه و همست : ماما
هز راسه بأيه : يا حلو امك
جلس وهي بحضنه و مدت يدها لـ قاسم جدها الي فهمها و ترك المسبحه بيدها ، اخذتها وهي تلعب و الكل يناظرها بـ فرح
_
عند الحريم
كانت أنهار تناظر ورد و ليال المبتسمين لها و بلعت ريقها تبتسم بأرتباك : شيبي فيني اصلًا
ضحك ليال تضمها وهي تقبّل خدها : تخجلين كلك يوم تشوفينه عاد قلنا انتِ تتلخطبن و كل شي هو بعد شكلها يتلخبط و يتخبط بعد
ضحكت وري وهي تمسك خد أنهار : يناسوا الي كبرت يناسوا تتزوجين الحين !
توردت ملامحها و مسكت ليال يدها : موقفه الحين؟ عشان سيف ينتظر
هزت رايها بإيه و قبّلت ورد خدها مباشرة : الله بتتزوجين !
أنهار : ورد ليش فرحتي هالقد؟ كأني قاعده على قلبك
ضحكت ورد تضرب جبينها بخفة : ليال مو قاعده معاك كلها اسبوعين و زواجها حاي ، زيم انفكت من القلق
ضحكت ليال وهي تمسك يد أنهار : عروسة قلبي ولله
_
~بيت أدهم~
