لف انظاره لها يشوف ابتسامتها الهاديه و يعرف ان خلف ابتسامتها مية شعور
فتحت باب مرسمها السحاب الي كان يجاور الصالة و ابتسمت اريج : ماشاء الله يا ورد اخترتي افضل مكان
نفت تشبك يدها : أدهم قال لي ان الشباك هذا ما كان موجود بس كسر الجدار و غيره لـ شباك كبير و اختار الزوايه ذي لي خصيصًا عشان الرسم
ابتسمت ديم وهي تتأمل الرسمات : انا بس شفت رسمه بـ ورقه صغيره ما توقعت كذا ماشاء الله يا ورد
شتت انظارها بخجل وهي تشوف اريج تتأمل صورة روح مع أدهم و لفت لها اريج بأستغراب : مين الي بحضن أدهم؟
ابتسمت ورد : بنته
وسعت ديم عينها ولفت اريج تتأمل الرسمه : بنته؟ كيف
ورد : حلمت فيها و كانوا بهالشكل بالضبط ، و ماحبيت انساها و رسمتها
ضحكت اريج بحب : شعرها !
هزت ورد راسها بإيه : مثل شعرك
كان شعرها كيرلي يميل للاستريت و مغمضه عينها بسبب ابتسامتها الشديده و غمازتها الواضحة : و الغمازه؟
اخذت ورد نفس تشتت نظرها : على طلال
سكتوا لـ ثواني و سرعان ما غيرت ديم السالفه و اشرت على احد الرسمات : الرسمه هذي ، شوفي كنتِ راسماها بـ ورقة و عدتيها هنا بس ماسكين بعض مو مثل اول و رسمتيها بطريقة احن و كأن صار في امل و رابطه قويه بس مو حاطه حروف
ابتسمت تقرب الرسمه و اشرت على يدها : يدي و هذي يد أدهم
توردت ملامح ديم : انا استحيت شدعوه تصارحيني
ضحكت اريج وهي تتأمل كيف ماسكها يخلل اصابعه بأصابعها و يشد عليها : مو كأنه شاد كثير؟
هزت ورد راسها بإيه : دايم يدي ترجف وهو يخففها بهالطريقة يشد يثبت رجفتي
ابتسمت اريج تتأمل الرسمه و سرعان ما سمعت صوت الجرس : جو ، يلا نطلع
خرجوا و سكرت الباب وهي مازالت واقفه بمكانها : يارب
اخذت نفس وهي تلف و تسلم على الكل لانهم وصلوا سوا و ابتسم أدهم لثواني : باقي خمس دقايق تفضلوا على الاكل
مشوا كلهم و كانت هي تشوفهم يبعدون و رجلها ماتشيلها ما تسمح لها تخطي لأنها حست بألم شديد في بطنها تركها تمسكها بخوف : لا
لف لها أدهم لانه فقدها من بينهم و وسع عينه يتجه نحوها : ورد !
نفت وهي تشد على يده من مسك خصرها يوقفها بأعتدال : مافي شي بس شد
نفى وهو يتفحصها : إلا صار شي وجهك حمّر
نفت وهي تبعد لثمتها تاخذ نفس : ولله شد علمتني الدكتوره
زفر براحه وهو يسندها رغم انها تمشي عادي بس يساعدها و ابعد لها الكرسي تجلس
ابتسمت أنهار تحط يدها على فمها و تهمس للبنات : حلوين !
هزت غِيم راسها بإيه : على فكره ديم معد صرتي تصوريهم
كشرت ديم : معد صارو يجلسون عندنا بس بييتهم و صرت ما اقدر اقفطهم
سكتوا يمدون يدهم يدعون كلهم و الهدوء سيد المكان لين اذن ابتسموا يسمون بالله يفطرون
ابتسم فِراس : تدرون اني صمت اليوم كامل
ابتسمت اريج : ماشاء الله عليك الله يثبتك
اشر على سيف بأبتسامه : علمني كيف اصوم
عقد أدهم حاجبه : كيف؟
فِراس : يقول صيامي اسمه صيام العصافير
كتمت ديم ضحكتها وهي تلف وجهّا و كمّل فِراس بثقه : اتسحر الظهر و افطر المغرب
رماح : ماشاء الله عليك احسن منّا بعد
هزت اريج راسها بإيه : كفو عليك
ابتسم بفخر وهو يشوف ديم الي تكتم ضحكتها : وش عندك؟
لف لـ سيف يدقه : قول لها ضحكينا معك دايم انت و ورد تقولونها
لف لها أدهم من تذكر موقفهم و عرف انها تذكر ما ناظرته وهي تضحك وهزت راسها بإيه بمعنى "تذكرت"
و قلبت العنود عيونها بقرف منهم..
وقفوا الرجال يتوجهون للصلاة و الحريم يلبسون الجلال يصلون..
_
~الصباح ، بيت براء~
