ضحكت اسراء وهي ترجع شعرها خلف اذنها : ديم انتِ شايفه وجهك وانتِ تقلدينها؟ عيب عليك عيب ! ايش يقول عنك يزن هو واخوه بعدين؟
رفعت كتفها بعدم اهتمام : ما اهتم اصلًا كيف بيعرف
جات غِيم الي كانت تعدل حزام الجمبسوت حقها : شفتوا غسق؟
نفوا وهمست ديم بمزح : تلاقينها لاصقه في ورد تسألها عن أنهار
ضحكت غِيم تجلس بجنبهم : حتى ورد وينها؟
اسراء : شفتها قبل شوي طلعت الغرفة الي كانت تجلس فيها
غِيم : على فكره وين ساكنين هي و أدهم؟
عدلت ديم جلستها بتفكير : تصدقي ما سألت بس قال انهم بينقلون الاسبوع ذا
اسراء : يمكن في شقه او مستأجر غرفة في فندق لأن زواجه فجأه ولا؟
ديم : هو جا وقالنا ابيها واحنا طلبنها يعني هو كان مستعجل وما الومه طبعًا
اسراء : ماشاء الله يا بنات تجنن مره كيف كذا ناعمه وهاديه
عضت ديم اصباعها : ابتسامتها ولله ان نبضات قلبي تتسارع
اسراء : كيف متحمل اخوك ما اكلها !
ضحكت غِيم : ما اتخيل ان أدهم يضحك ويتغزل فيها ابدًا ، احسه جامد ومايليق لها
نفت ديم بحب : ماشفتوا الي شفته ماشفتوا الي شفته
سرعان ما طلعت جوالها وهي توريهم الصوره : تشوفون !
شهقت اسراء وهي تغطي فمها : ياويلي !
اما غِيم اعتلت ملامح الصدمه وجهّا : اكيد تمزحون غريب مره
الا انها سرعان ما ابتسمت لأن الصور حلوه وكثير وكيف كانت انوار البيت تعطي نور خفيف لهم وكيف يده تحاوط خصرها ويدينها تحاوط عنقه تلعب بشعره ولو ركزوا بالصوره اكثر بيشوفون حمّار وجهّا بسببه وكيف يلعب فيها يغير تفكيرها نحوه
دخلت ورد تعدل ساعتها وعقدت حاجبها بأبتسامه وهي تشوف نظرات البنات لها : وراكم شي انتم !
نفت ديم وهي توقف تجلسها مكانها : بسألك
كانت ابتسامة ورد مازالت موجوده وهي تسمع سؤال ديم الي لون وجهّا مباشره : أدهم يتغزل؟
وقفت بذهول وهي تضرب ديم بخفه : غبيه ايش السؤال هذا؟
ضحكوا كلهم واخذت الدله تصب لنفسها قهوه : تبون؟
هزت اسراء راسها بإيه وابتسمت من مدت ورد الفنجال
مرت ليلتهم حلوه وأدهم ماقدر يمشي لأن ابوه حلف عليه مايمشي إلا وهو متعشي معهم ، ماعصب بس تغير مزاجه لانه يحس ما اكتفى بشوفتها ومايحق للحريم يشوفونها اكثر لان هو زوجها وهم ناس وبس
دخلوا البنات المطبخ يجهزون العشا وهي كانت معاهم بس ردت على جوالها من دق وهي تخرج ، كانت على وشك تتكلم الا ان وحده من الحريم وقفت قدامها : انتِ ورد؟
هزت ورد واسها بالايجاب : سمّي
مسكت الحرمه يدها وهي تتفحصها : متزوجه انتِ صدق؟ مافي خاتم ولا شي !
رفعت حاجبها بتعجب من وقاحة الحرمه وهي تسحب يدها : الخاتم مو دليل الزواج يكفي اني انا اعرف
ميلت الحرمه شفتها بعدم اعجاب وهي تهمس : مغروره مثل زوجها
رفعت حاجبها بذهول لأن من الحركه هذي عرفت انها ما تحب أدهم او تتقبله و قاعده بوسط بيت اهله وهم راضين ، إلا انها قلبت عينها بعدم اهتمام وهي ناسيه انه معاها في الخط لين ماتكلم : تظنك مو متزوجه؟
ما استوعبت لوهله بس سرعان ما هزت راسها بإيه وكأنه قدامها : تخوف !
ضحك بسخريه وهو يرمي سجارته وهذا الشي مو معقول من قال له سيف انها تكره الدخان مايقدر ياخذ الا نفس او نفسين ويطفيها : بعد العشا ماشين زين؟
هزت راسها بالموافقه : أدهم
مسح دقنه بهدوء وهو يركز معاها : روحه
توردت ملامحها وهي تشد على يدها : ابغى اروح عند ليال وأنهار خالتي تعبانه
رفع حاجبه لثواني وكملت بهدوء : بس اخاف
نفى يوقف يعدل شماغه لأنه كان حاطه على كفته : ماتخافين ، اوديك وارجعك وانتِ معي وبخير متى تبين؟
اخذت نفس تشتت نظرها : السبت؟
أدهم : تم ، شي ثاني
نفت وسكر الخط يتوجه للرجال
ابتسم مباشره وهو يشوف لانا الي تتضارب مع عمر ، زمت شفايفها تاخذ جواله : مافي جوال !
شالها من توجهت له تركض وهي تنظر له بنظره ساعدني
ضحك من تنحنح عمر وهو يمد يده : هاتي
نفت وهي تحشر راسها بـ عنق أدهم : لا تخليه ياخذه مايعطيني رعد "الخيل حقه" وراني صوره مره مره حلو بس مايعطيني
لف انظاره لـ شاهين الي كان يضحك وهو يجلس بجنب رماح الي يشرب قهوته بأبتسامه : تبين خيل انتِ؟
هزت راسها بإيه واشر على عينه : من عيني
شهقت وهي تقبّل خده : عشان كذا احبك !
ابتسم ينزلها بعد ما اخذ الجوال منها يمده لـ عمر : اذا قالت لك ابغى رعد تعطيها ما ترفض
ابتسم عمر ياخذ جواله وهو يدندن
ولف انظاره لـ يزن ونواف وزياد الي كانوا "يتشمتون فيه وكيف كان متوهق والتوتر واضح على وجهه : نعم انت وياه !
دخلت وهو خلفها يسكر الباب بالمفتاح ، ميل شفايفه وهو يشوفها تمشي ناحية غرفتها : تعالي معي
رفعت حاجبها بورطه وهي تلف بأبتسامه : ببدل
نفى وهو يبعد نقابها : لا
ابعدت عبايتها بتوتر لأن هدوءه يربكها ودخلت خلفه وشافته توجه لغرفة الملابس يبدل : ايش معنى انت تبدل وانا لا
ضحك بذهول وهو يخرج ومعاه تيشيرته وعاري الصدر : عاجبك ثوبي؟
سرعان ماتوردت ملامحها لانها فهمته هو مايبيها تبدل لانها عاجبته ويبي يروي عيونه بجمالها و مد يده يحاوط خصرها : لا تلوميني
تمدد على السرير وهو يحط راسه بحضنها وهي يدينها على كتفه و تشك من قوة نبض قلبها يسمعه تحس بحر شديد وتوتر من تصرفتها ، بس تحس بهقر من خجلها الي يتعبها لانها تشوف كيف هو يمنع نفسه ، مسك يدها يدخلها تحت بطنه من حس برجفتها : ليش ترجفين وش جا ببالك؟
رفعت كتفها بعدم معرفه ورفع راسه يوجه انظاره لعيونها وشاف زمة شفايفها ومد يده يمسح على شفايفها : لاتزمينها ، تتعبيني
رجفت مشـاعرها من رفع نفسه يقبلها بكل شعور وهو يحاوط وجهّا وخصرها وعض شفته يعقد حاجبه : ولله اني اخذ بعض القبّل منك عشان يزيل شوي من رغبتي الا اني ازيدها ، ماترحمين ياورد ماترحمين
عضت شفتها وهي تشوف وجهه الاحم وعروق يده البارزه وسرعان ما مسكت يده من قام وشتت نظرها بخجل : لاتروح
وسع عيونه بذهول من كلمتها وكيف شتت نظرها وخجلها وادرك انها تطيح الحواجز كلها وتحاول معاه وتبيه يساعدها انه يبعد خجلها المستحيل..
جلس قدامها لثواني وهو يشوف يدينها الي ترجف وهي ماسكه يده وانظارها الي تروح كل مكان الا عنده ، مد يده يسحبها من خصرها يحطها بحضنه : قلتيها بنفسك
رجفت عينها بخجل من قبّلها وهو
