سكرت الخط تترك جوالها على الطاولة و ابتسمت من شافته يقبّل روح على راسها ، رفع نظره لها من لمح اقدامها و ابتسم يحاوط خصرها من قربت : جيتي بسرعه
اشرت للمطبخ تبتسم : كنت بالمطبخ
انحنى يقبّل عنقها و يشم ريحتها لـ ثواني : احبك يا ورد احبـك !
ميلت راسها للجهه الثانيه تعطيه مساحته الخاصه تبتسم بخجل من اعترافاته الي يجي بوقت يكون هيمان فيها و مايقدر يلمسها بشكل كافي ، عض شفته يبعد يشوف انظارها عليه : ما تمنعيني؟
رفعت اكتافها بعدم مقدره : مقدر ، انت ابعد بنفسك
ابتسم بهدوء يترك روح بين يدينها ، يقبّل راسها و يناظر ابتعادها و من وقت ما شافها رجع دخل للرجال
من دخلت هي عند الحريم ركضت لانا تتمسك برجلها : ورد بليز ابغى اشيلها
انحنت ورد تعطها بين ذراعين لانا الي تراقبها بحماس و يد ورد تسندها من تحت : روح حلوه !
هز فِراس راسه بإيه و لف انظاره لـ لانا الي هزت راسها بإيه و لفوا لـ ورد بنفس الوقت و عقدت هي حاجبها بأبتسامه: شعندكم انتم؟
ابتسم فِراس و اعطت لانا روح وهي تركض مع فِراس يجيبون المطبخ يحطونه قدامها ، و عقدت هي حاجبها : مطبخ؟
هزوا راسه بإيه و رفعت لانا سبابتها بـ ذكاء : عشان تجيبون اخو روح ، لأن المطبخ الصغير يكون سريع
سكنت ملامحها و وسعت ميان عينها : لانا الله لا يفضحك يا بنتي !
انفجرت ديم تضحك وهي تقبّل خد لانا : يناس عسوله ، عسوله !
ضحكت غِيم و مدت ديم يدها لـ شعر فِراس تعبثره : شياطيني الصغار
كشرت ميان وهي تسحب بنتها : شياطين ايش ابعدي !
مدت ليال يدها تاخذ روح من ورد الي وقفت وهي تناظرهم بهدوء : مين علمكم ذي الحركات
نطت لانا بـ فرح : انا انا ، ذكيه صح !
غطت ميان وجهّا بفشله : علمنها عشان ما تبلشنا و ابلشتنا !
تقدمت ليال لـ اريج الي تناظر روح بفرح و مدتها لها بأبتسامه : خذيها
رفعت اريج انظارها لـ ليال المبتسمه: عقبال ما تشيلين عيالك
توردت ملامحها و ضحكت اريج من تلون وجه ليال وهي تعطها روح و تجلس بجنب اختها الي تشوف لانا و فِراس الي جايبين العيد بشكل مو طبيعي
_
مرت ايامهم الحلوه خلف بعض و جا موعد زواج سيف و ديم الي تحدد قبل فتره و الحين وقته و كان هاليوم هو اليوم المقصود..
كانت تجلس و حولها المصففات و الميكب ارتست و كل وحده لها شغلها الخاص..
نزلت انظرها لـ جوالها ترد بأنزعاج بسبب الاصوات حولها : نعم نعم
اريج : ما خلصتي؟ كلنا خلصنا
ديم : لا يا امي ارجعوا ، و انا بعدين اكلمكم
سكرت اريج الخط تشوف البنات الي توزعوا بالسيارات يرجعون و دقت ليال البوري تبتسم : يا عمه
ابتسمت اريج تركب بمقعد المعاون و ديم و أنهار بالخلف يتصورون..
_
~بيت أدهم~
كانت توقف قدام المرايا تحط البلاشر و اخر لمساتها و بكون كل شي تم و انتهى عندها..
لفت لـ روح من سمعت صوت بكاها و ابتسمت تترك كل الي بيدها تتجه نحوها تحملها بين يدينها وهي تحركها بخفه ترجعها لـ نومها ، رفعت نظرها للساعة المعلقة بالجدار و الحين موعد رجوع أدهم ، ما كملت تفكير لانها سمعت صوت باب الغرفة يفتح و دخل هو منه و التعب واضح على وجهه لأنه كان عاقد حاجبه و نظرت عينه مختلفه
عقدت حاجبها هي تمشي له : أدهم؟
زفر مباشرة وهو يحاوط خصرها يحشر راسه بعنقها بعيد عن روح : اتركيني هنا بعيد عن العالم و الناس
هو من بدأ يرجعها للخلف ياخذ من يدينها روح يتركها على سريرها هي فهمت انه يبي حضنها مو شي غيره ، و فتحت ذراعينها تتركها يجضنها و راسه محشور بعنقها يتمدد على السرير و راسه على بطنها و يدينه صارت على خصرها ، ما فكرت بـ شعرها الي سرحته و تعبت فيه ابدًا اهتمت فيه هو و بتعبه و ارهاقه قبل كل شي عندها ، هي تستحق الحب حتى لو غيرها يظن انها ما تستحق هي تسوي تضحيات ما يسويها إلا العاشق و المُحب ، هي ورد و تستحق أدهم الي يحبها و يعشقها اكثر من نفسه..
_
~القاعة ، بالساعة ١١ مساًء~
