تنهدت وهي تشوف لانا الي تركض ورا ميان : ماما بجاس مع ورد بليز
نفت ميان تمسك يدها : حبيبتي بابا برا ينتظرنا هيا
نفت تزم شفايفها : بس ابي اجلس مع عمو أدهم
تنهدت ميان : حبيبي لانا بعدين مين يراضي براوني؟ يزعل علينا هيا
ميلت شفايفها بحزن تمشي مع امها
و كان هذا كله تحت انظار ورد الي ابتسمت و ركض فِراس يجلس بجنبها : ورد الحين انتِ تزوجتي مرتين؟
نفت ورد بحب : لا بس هذي حفله ، حلوه؟
هز راسه بإيه : مره حلو ، شفتي أدهم وهو يرقص؟ ولله فنان
شهقت بذهول : نعم ! يرقص؟
هز راسه بإيه : سيف صوره شفت كلميه
قبّلت بخده : يناس الجاسوس حقي
ضحك و هو يشوف اريج تأشر له على امه و انها طلعت : مع السلامه
ابتسمت تحضنه وهي تودعه
و وقفت تاخذ نفس : كلكم رايحين؟
اريج : اول أدهم يجي و نمشي على حسب كلامه الليله بـ تجلسون بالقصر
هزت راسها بـ زين وهي تشوف المكان فضي و نزلت نظرها تتأمل الخاتم الي عطاها هو قاسم و رفعت نظرها من سمعت صوت خطواته : أدهم
ابتسم يبعد بشته : سمّي
دخلها بحضنه يحاوطها بـ بشته : عجبك؟ صورتي؟ حبيتيني اكثر؟
ضحكت تهز راسها بإيه : حبيتك اكثر بس باقي هالقد و تستولي علي لو وريتني عرضتك يلا
نفت وهو يضحك : ابدًا ممنوع
صغرت عينها لـ ثواني : ممنوع علي و عادي عليهم لا ، وريني !
نفى بصرامه : مستحيل
ابتسمت ترفع حواجبها : اجل ما راح اوريك رقصي
انفجر يصحك يطلع جواله : شوفي يا قلبي
خذت الجوال بأستغراب و سرعان ما ضربت صدره : اختك الحيوانه هذي ايش اسوي فيها ! علمني فضحتني !
عقد حاجبه يتصنع الغضب : ما تغلطين على اختي
كشرت ترفع فستانها تمشي تتجاهله : ما راح اكلمك إلا يوم توريني
تنهد من فعلًا مشت وهي توقف قدام الدرج عقد حاجبه من شافها تنحني و تقدم لها بخوف : ورد !
عقدت حاجبها : خير !
زفر براحه من عرف انها تبعد كعبها عشان تطلع الدرج ، و رفعت نفسها بقلق : خفت؟
هز راسه بإيه : ظنيت صار لك شي
حضنها ياخذ نفس من ريحتها وهو يحاوط خصرها : ودك اساعدك؟
نفت وهي تطلع الدرج بعناد : وريني المقطع و اكلمك
ضحك من طلعت وهي تشوف الغرف الكثيره قدامها و اشر على غرفه بنهاية الممر على اليمين إلا انه رفع حاجبه بذهول من راحت عكسه : بروح ابعد مكان عنك !
ابعد بشته يحطه على الكرسي يمشي خلفها و قبل تسكر الباب دخل يجلس على السرير : بورك خلاص بس اعطيني وجه
ضحكت وهي وهي تفتح السحاب تتوجه خلف البارتشين الموجود و ابتسمت بوهقه : نسيت ان هذي مو غرفتنا الاساسيه شرايك تروح تجيب لي لبس
هز راسه بـ زين وهو يخرج
_
~الفندق~
جلس نواف و قدامه زياد و مد نواف جواله : خذ
عقد زياد حاجبه ياخذه و سرعان ما وسع عينه بذهول : نواف هذا وش !
ابتسم نواف يشرب قهوته : مريم و ولد عمها
مسح على وجهه بذهول وهو يشوف مريم بـ حضن ابراهيم الي كان يقبّلها و رفع انظاره لـ نواف : كيف جبتها؟
نواف : بعد وقت طويل من المراقبه كنت الاحظ ان ابراهيم بعد شغله مع ابوه يتأخر عن البيت ساعه و هذي النتايج و لان ابو مريم مُقعد فـ مو صعب تحطه بأحد الغرف و تسكر الباب عليه صح؟
مسح زياد و جهه بذهول : حرام ولا حلال؟
نواف : صدقني ما اهتم بس ادري لو سطام عرف بالموضوع مريم بح
ابتسم زياد يشد على يده : ولله يا نواف تعجبني منت ولد عمي على الفاضي
ضحك نواف و وهو يبعد عن شغله بهذا اليوم يسولفون عن اشياء كثيره و غير عن قضيتهم الي صارت تافهه
_
~غرفة رماح~
