رجف قلبه من رقة قُبّلها وكيف شتت نظرها بسبب خجلها منه وكيف همست وهي تنزل نظرها بسبب كلامها ، حس بخاطره ينجبر وماقد حس فيه ينجبر كثر هالمره يلي خلته يضيع ويتشتت ومايدري ليه اصلًا ناداها عنده ، كان وده يقول لها شي وضيعته وضيعت ثباته معاه من قبّلتها الي خلته يحس بحر غير طبيعي : تلعبين؟
اعطته ظهرها وهي توقف : برجع
فتح فمه بذهول كيف هي ودها تهرب بالسرعه ذي وهو ابدًا ما اخذ كفايته كانت نيته بوسة راس والحين تغيرت كل افكاره ، مسك ذراعها يجلسها بحضنه وهو يحاوط خصرها : أدهم !
ميل شفايفه بهدوء من كانت تحاول توقف وقرب وجهّا منها يهمس : لاتتحركين
اعتلاها الخجل وهي تضرب صدره : غبي غبي
ابتسم لان ضربتها لصدره وهي خجوله احلى بكثير وهي معصبه وتبكي : نرجع البيت؟
نفت بذهول : اكيد لا ، ماركبت الخيل مع البنات ولا غنينا ولارقصنا !
اخذ نفسه يشد على خصرها : غنيلي وارقصيلي و مافيها شي لو كم
قاطعته وهي تسكر فمه بيدها : لاتكون جريء هالقد يا أدهم مقدر !
مد يده يحاول وجّها : ليه تناديني بالنبره هذي الي تخليني ما اعرف وش كنت ابي ليه !
رفعت كتفها بعدم معرفه : نبرتي فيها شي؟
نفى وهو يحشر راسه بعقنها : ابدًا سلامتك بس
سكنت ملامحها من حست فيه يقبّل عنقها بهدوء : أدهم
ابعد وهو يزفر : الاغراض الي بالشقه جمعيها بننقل
عقدت حاجبها: على وين طيب؟
وقف وهو يحط فروته على اكتافها : بيت يكفي عيالنا العشر
شهقت وهي توقف بخجل : أدهم !
ضحك من تغيرت ملامح وجهّا للخوف : امزح يازوجتي شفيك
ضربته وهي تشد على فروته وتدخل عند الحريم بهدوء ، ابتسم بهدوء وهو يتنحنح يلم ثقله شوي وسرعان ماتغيرت ملامحه من خرجت وهي معصبه وهي ترمي فروته عليه : غبيه انا غبيه
عقد حاجبه : صار شي؟
نفت وهي تحاول تخفف من رجفة يدها : ماصار شي
كانت ثواني واختفت عن نظره لأنها راحت الاسطبل وسمع صوت احد البنات فيه وماقدر يروح لها ، وخرجت بعدها ديم الي متوتره وشافت أدهم : وين راحت؟
أدهم : صار شي؟
شبكت يدها بتوتر وهي مو عارفه تقول او لا : يمكن منال ضحكت عليها لأن كانت تضم فروتك وهي تقول لها سارقه فروته لان أدهم اشيائه مايعطيها احد ، ويمكن لأن العنود ضحكت وهي تقول انها نفس الفروه الي تغطت فيها يوم رحنا البر قبل فتره؟
رص على اسنانه و شد على يده وهو يتوجه ناحية الاسطبل : درب يا بنت
ارتعبت غسق من سمعت نبرته : شفيه معصب يمه !
غِيم : متى ماكان معصب يا غسق امشي بس
كانت مع آشجان بنفس المكان وهي تمسح على وجهّا : اموتها يعني؟
حاوطها من الخلف : انا اموتها ليه تلطخين يدك؟
مسكت يده الي على خصرها : ابعد
نفى وهو يحشر راسه بعنقها : يعني اليوم زعلتي مني كثير ماودك نوقف شوي؟
نفت وهي تلف ناحيته وتوردت ملامحه لأنه كان ملاصق ظهرها و وقف لفت هو كان قريب منها وكثير : بسببك
زم شفايفها يشوف آشجان الي كانت كل شوي تحرك وجهّا بأنزعاج : تكرهني هي؟
لفت نظرها لآشجان وهي تشوف انزعاجها الواضح : ايه محد يحبك
ميل شفايفها يشدها اكثر : ودك نرجع؟ لو جلسنا ما ادري وش يصير
ورد : وانا ما ودي اجلس اكثر خلينا نرجع
_
بعد مُده
كانت هي منشغله بجامعتها لدرجة انها اجلت نقلهم لأن ماعندها وقت ابدًا بسبب الضغط المو طبيعي وكيف كل شي فوق راسها ومن الميد الي جاها بأسرع من ماتوقعت هي..
وهو كان طول وقته بالمكتب حقه لأن بدت المعلومات توصله ولأنه كان يدور اصغر شي عن ابراهيم لجل يخليه بالسجن ومايطلع ، وكان ثلاث ايام بس وهو حتى الشقه مايطلع منها ينام وهي صاحيه ويصحى وهي نايمه لأن نومه مقلوب بالكامل ولايتقابلون ابدًا
وعند ليال وأنهار خلصوا اختباراتهم ورجعوا داومهم طبيعي وحالة امهم انقلب ودخلت المستشفى وحاولت ورد تروح بهم بس الخوف يتمكن منها وماعندها وقت اساسًا بس هي تحاول توجده عشان تسانهم لأنهم منهارين
_
~بيت رماح العصـر~
نّزل فنجاله يقبّل راسها : يعني ماتعطينا وجه ابد؟ مو انا الي ما اجيك
ميلت شفايفها تشد على يده الي تحاوط يدها : مضغوطين هم ارسل له رساله الظهر يرد علي وحده الصباح نومه مشقلب ولدك ، ولا اشوفه وبكره دوامه كيف يعني
ضحك بذهول لأن نفسيتها تحطمت بغياب أدهم رغم انها ثلاث ايام بس دايمًا تصير له بس يغيب أدهم هي تكون متنرفزه طول وقتها : ترا اغار !
لفت انظارها له بأبتسامه : معليك انت الاساس
ضحك بسخريه لأن نظراتها غير : ايه صح انا الاساس
دخل زياد وهو يدندن ويلعب بمفاتيح البيت : يا اهل البيت !
وصله صوت امه من الصالة وضحك من شاف ابوه يصغر عينه ناحيته بتحدي : بسلم عليها بس شدعوه النظرات هذي
نزلت ديم ركض من سمعت صوته : زياد !
قبّل راس امه يلف انظاره لـ ديم الي تنط من اخر درجتين : بشويش !
ضحكت وهي تدخل حضنه وهي تزم شفايفها : خلينا نروح لـ بيت سيف !
ابتسم بذهول : وليه ان شاء الله؟
ضربت صدره من ساء ظنها : اشتقت لـ فروسي
دخلها تحت ذراعه وهو يشوف امه الي تتأملهم : اريج شرايك نسوي عزيمه وش تقولين؟
وقفت تعدل شعرها : ليش لا ، بس اشوف أدهم اول
زفر رماح يستغفر وابتسمت ديم تجلس بجنب ابوها : رماح تغار !
ضرب ظهرها بخفيف : روحي سوي لي شاي مليت من قهوة امك
لفت انظارها له بذهول : رماح !
ابتسم بورطة : اتغشمر وياج ياقلبي
عضت ديم اصابعه بحب وهي تعشق يوم ابوها يقول بعض الكلمات بالكويتي : ابوي !
ابتسم وهو يبعثر شعرها : قلتها متعمد عشان تفرحين نفسيتك مو عاجبتي هاليومين
هزت راسها بإيه : مره ماش الاختبار شيب راسي
_
~شقة أدهم~
شافته نايم بالغرفة وفتحت
