ولهذا السبب من يعصب يبعد قدر الأمكان عن الناس ، وهذا السبب الي خلاه يشتري ذيك الشُقه والي موجوده فيها ورد ، ابتسم من تخيل انها ممكن الحين هي ترسم او تسوي قهوه او حتى تنام على السرير
تنحنح من حس نفسه صار خفيف وراه ثقله وثباته : أدهم
نادا نفسه وكأنه يحاول يوعي نفسه انه صار ينهز من بنت إلا انه ابتسم بسخريه ان ثباته كله ينهز من يوم يكبمه سيف عنها
اخذ جواله يبغى يتطمن عليها بس مو عارف كيف من دون مايوضح اهتمامه ورسل استفهام
وضحك من نفسه لأن مو طبيعيه تصرفاته
-المغرب-
رجع وهو يحس بتعب وعصبيه لأن الشخص الي استدعوه عشانه انسان مو طبيعي و مستفز لابعد درجة : الله لايبلانا
كانت هذي جملته وهو يدخل غرفته يسكر الباب
كانت شايفته يدخل الباب بس كانت تحس بخجل شديد من نفسها لأنها تتذكر هي وش سوت وكيف انها شتمته وقلت ادبها عليه بطريقة وقحة ، إلا انها تنهدت تمشي ونيتها تنزل للأسفل ، لفت وجهّا بصدمة ناحية الباب من انتفح وهي مصدومه وخرج هو منه ، اعتلت ملامحه الذهول وهو يتنحنح يدخل غرفته يسكر الباب
ضمت يدها لصدرها بخجل وهي تشتم نفسها وتنزل ركض للبنات الي كانوا بالصالة الداخلية
_
~شُقة أدهم~
