تنهد أدهم يمسح على وجهه : زين اكلم ابوي يشرح لامي الوضع
_
-بيت آل بدر العِشاء-
كانوا يضحكون من قالت لهم ديم عن دكتورتها الي بالجامعة : ولله مره مستفزه !
غسق : زوجيها اخوك تعطيك الفل مارك
نفت ديم بغيره شديده : لا ومليون لا ، ما اضحي بواحد فيهم ، تخيلي واحد منهم يتزوج ذيك ال## ، حرام جمال اخواني يضيع هباًء منثورا !
دخلت ورد بعد ما قالها سيف ان توقيعها بيكون بكرا و أدهم بيصير زوجها رسمي ، تنهد بشعور سيء من دون شعور منها وهالشي ترك اريج تسحبها من يدها تجلسّها جنبها : فيك شي يا امي؟
نفت بأبتسامه حاولت تصنعها عشان تبين لها انها بخير : عادي تحضنيني؟
ارتخت ملامح اريج بحنان تحضنها وهي تقبّل راسها : تآمرين امر
شبكت ليال يدينها سوا وهي تشوف حنان اريج الواضح ناحية ورد الي عانت طوال حياتها مع اهلها انها دايمًا منبوذه ومكروهه ، مكان احد يعاملها مثل سيف او ابراهيم او فِراس الصغير ، كان سيف يحب اهله من صغره بس يوم انولدت ورد هو شاف عصبية ابوه وانه كان يطلب انه يرميها بالميتم هو رفض وكان يحميها لانه يحس بشعور الاخ الكبير من صغره ، رفض طلال تسميتها ، وهو الي سمها ورد لانه شافها يوم انولدت تشبه الورد تمامًا تفكير طفولي من طفل
_
سلم على جده الي سحبه جنبه وهو يشد على يده : أدهم ليه وجهك كذا؟
عقد أدهم حاجبه : شفيه وجهي؟
ابتسم قاسم وهو يمسح على ملامح حقيده : منوره لو يصح الوصف؟
ابتسم أدهم يقبل يد جده : دامك قلت منور يعني منور وغصبًا علي
ضحك قاسم من وقف حفيده يتجه ناحية ابوه وهو يتكلم معاه و وقف رماح معاه يطلعون برا
تفهّم رماح الموضوع من قاله أدهم من طقطق للسلام عليكم : وهذا الموضوع ياطويل العمر
ضرب رماح على كتف ولده بفخر : عز الله مقامك يا أدهـم
ابتسم أدهم يشير لصدره بمعنى انه ممتن لابوه الداعم الاول له بكل شي ، دايمًا رماح فخور بـ بكره وفرحته الاولى لانه رافع راسه من صغره ، من وهو صغير وشخصيته واضحه ماكان يمشي إلا على رأيه وهو ومايسمع الكلام إلا الي يعجبه واذا كان مايعجبه فـ هو ماسمع اي شي ، واذا كان به كلام يذله او يمّسه هو او اهله يهد له حيله ، كان دايمًا يجي لـ رماح استدعاء بالمدرسه ان ولده ضرب فلان لأنه قاله تخسى انت وابوك ، و وقتها لكمه أدهم يطيحه على الارض ورمى عليه جمله تركت رماح يضحك من سمعها : واحد بمقامك الحين لايتكلم شوف انت وين وانا وين
ومن دخل الثانويه طلبوه القوات المسلحه لأن شخصيته جذابه وطلبو منه يقدم طلب لانهم ودهم فيه بصفهم يساعدهم ، ومارفض الطلب بس قالهم ينتظرون يكمل دراسته ثم يدخل معهم وبالفعل انتهى من دراسته بمعدل ممتاز جدًا ثم دخل معهم
_
وقفت غِيم بأبتسامة : نروح الأسطبل؟
وقفت أنهار بحماس : مره ودي اروح لي فتره ما اركب
ولفت لـ ليال برجاء : لو سمحتي !
وقف ليال بضحك : طيب بس لاتطالعين فيني كذا
ابتسمت أنهار وهي تشبك يدها خلف ظهرها ، وقفوا كلهم واتفقوا بعد ما كلموا اهاليهم يروحون بس بعد مايغيرون ملابسهم للبس ثقيل ويليق للمكان..
واخذتهم ليال توصلهم كلهم وتتجهز هي وأنهار و ورد وديم ورجعت تاخذهم وتتجه للأسطبل
_
دخلوا وكانوا العاملات انتهوا من تنظيف المكان بسبب الناس الي خرجوا الساعة سبعه المساء ، لأن من بعد الساعة سبعه وقت غيِم واخوانها لأنه اسطبلهم وهم حددوا وقتهم الخاص ، و وجود الاسطبل هو بسبب عشقها للخيول
فتحت الباب وهي تدوّر شُعاع بنظرها وسرعان ماركضت ناحيتها : شُعاع
لفت لها شُعاع وهي تصهل ، ابتسمت تمسح على وجّها : انتِ فرسي وبس محد يركبك غيري وصل !
توجهت ورد ناحية الفرس الي عجبتها وهي تتكي على بابها ، ولفت لها آشجان وهي تتحرك ناحيتها وهمست بذهول : حلوه !
كشرت غسق وهي تشير ناحية آشجان : حلوه بس وحش مو طبيعيه هالفرس حطي بينك وبينها عشره كيلو
اما ديم كان عندها رأي ثاني وهي تصور ورد من شافتها تمسح على وجه آشجان : انتِ الحلوه ولله
ضحكت ورد لأنها سمعت ديم : اثقلي
ضحكت ديم بورطة : مو بيدي
