حنين

بارت ١

في شهر نوفمبر بالولايات المتحدة الأمريكية و بالضبط في واحدة من مصحات مدينة نيويورك، فغرفة من الغرف للي فقسم الولادة كالسة كتقلب الوالدة لبنت على وشك الولادة متكية مهدنة بعدما غلب عليها حريق التقلصات و التعب المخاض للي بداها هادي 7 د السوايع

هي (بالإنجليزية) : don't push يالاه 8 سنتيم متحاوليش دفعي دابا حتا توصل 10 مبقا والو زيد صبر مزال

- الحامل و هي كتبكي : مممممم منقدرش منقدرش (و دموعها على خدها) منقدرش نديرها بوحدي اهئ اهئ ملقيت حتا للي يقبط بيدي

- هي بقلة حيلة : راه تقدري و مزال .. الى غا للي يقبط ليك فيديك، انا نقبط و غنبقى معاك حتا تشدي البيبي فدراعك

ليلي (الحامل) و هي مغمضة عينيها بعدما بداها الحريق تاني : شكراا أهئ شكرا بزاف .. مممممم كلامك كيريح

- هي (بإبتسامة) : هذا واجب ( سكتات شويا و قالت ) انا غنعلم ليكيب إجي باش نستقبلو الأمير ديالنا للي غينورك و انورنا المهم غنخللي معاك سارة دقيقة و نجي اوكي .. (دارت عندها) سارة عافاك خللي عينك على عنق الرحم انا غنمشي دغيا و نرجع

سارة : واخا

غا خرجات من الغرفة تلغات الإبتسامة.. حسات براسها مشات بيها الدنيا وجات .. شدات فالحيط غا مكابرة و هي براسها خاص للي يقابلها، وقفات تستارح و تفيق شويا من الروينة ..
...
الو.م.أ او أمريكا هي وحدة من الدول للي فيها مستوى ديال الولادات طاالع للي كوصل احيانا حتا ل6 د المليون رضيع سنويا زيد على ذلك ممقننش، الأغلبية أمهات عازبات .. فتصوروا غا وحدة خدامة تما كدوز حتا ل 8 د النسا فالنهار كي غتكون حالتها
غا بغات تحرك شافت لمياء خارجة من الشومبر للي حداها .. صاحبتها الروح للروح، هي مغربية بنت البلاد و معرفة قديمة .. هي للي وقفات معاها و سانداتها فأصعب أيامها

لمياء : كي بقيتي ؟ قالتلي قبايلة سارة عيانة و مرة مرة كيشدك شويا د الحريق

هزات فيها حنين و شافت فيها .. وجها صفر و عيانة لكن واقفة على كل حاجة بيديها باش تضمن بلاصتها و
تخللي انطباع زوين فالأخير كتبقى غا "مُهَاجِرَة"

حنين : مزيان راك عارفة هاد الفترة الأولى شحال حساسة (حطات يديها على كرشها هابطة و منفوخة شوييييكيكا و لكن مع الضعف و لبستها باينة) عيييت بالجهد و لكن دابا يفوت هادشي

لمياء : فين غادا دابا و نتي هاكا ؟

حنين : بغيت غا نشوف واش كاين شي طبيب off مع ليكيب .. واحد الباسيونط 8 سنتيم ممتابعة حتا مع شي دكتور، انا مقاداش

لمياء : يالاه يالاه انا ساليت خليت ليكيب ديالي كيسوانيي صبر نعلم للي سالا يتبعنا

حنين : غاديري فيا خير كبير مافيا للي يضرب ديك الطوالا