حنين

بارت ٣٦

دازت 15 اليوم على آخر الاحداث للي كانو عامل الرئيسي فبعض التغييرات للي لامسات شخصية ابطالنا كانت قلبا او قالبا ..

سي عيسى الوزاني بعد الصداع مصبر حتا نهار باش ادفع وراق الطلاق و للي كان بالتراضي و بدون شروط حتا من جيهت كوثر ... هي للي باها علاين اقتلها باش تسني دوك جوج وريقات .. شرطات عليه تكتب غا شروطها و متخرجش من القضية باردة و لكن مقبلش قطعا "منقبل حتا ريال من عندهم" .. اما على التنازل على حضانة البنت سنات بعينيها مغمضين .. مشاو للمحكمة سولوا اذا كان امكانية للصلح الصلحوهم و كان الجواب النفي اما كوثر غا ساكتة حسات حفرات قبرها بيديها .. و وقيتها سلات فحالها فحال البنات للي كان كيعرفهم عيسى قبل منها و كانت كتضحك عليهم .. الفرق بينها و بينهم هوما كملوا حياتهم نساو للي فات و هي "مطلقة"...

و هاهوما اليوم كيساينو الملف امتى اخرج ليهم و الوراق مقادين و الطلاق مرسم .. كل واحد ياخد براتو و طريقوا ..

.......
اليوم الويكاند خارجة تغدا مع خطيبها للي شحال مشافتو .. كالسة و شموسات و البيوضية كتشقشق .. لابسة تيشورت و سروال دجين معاها نايكي جامعة شعرها كو-دوشوفال و دايرة نظاظر على عينيها .. كانو يالاه تأنصطالاو كيساينو اجيهم غداتهم ..
.. مهدي : ههه هي مللي شفتك اليوم على سلامتي !

حنين كتشوف الدنيا : الله اسلمك .. فين مالين الدار لاباس ؟ عيطت لماماك ول البارح مجاوباتنيش ان شاء الله خير

مهدي : خير خير غا فالدار مشغولة مع الهري .. (جبد الكارو) اوا

- من عندك !!

-شعل كيكمي : شنو درنا فهضرت آخر مرة !؟؟

حنين كتشوف فيه من نظاظرها : مبغيتش نزربوا غا بالشويا .. خليها لشهر ٩ الحال اكون شويا بعدا

نتر مزييييان من كاروه عاطيه ليها هي تحبسو :

- مبغيتيش !!  هاد الساعة راني طووب !

مهدي طلق ضحكة موصلاتش فمو مطلع حاجبو : هي قطعتيه !!؟ .. من جديد !!

- كنحاول كنحاول ! (رداتو لموضوعهم) ماماك و ماما خاصهم ادويو على شنو بغات عائلتك الدير و حنا شنو بغينا .. اتفاهموا بيناتهم هاكا اكون كلشي مزيان .. جاتني شهر ٩ مخيرة على التوجاد ..

مهدي عض فمو : انا مقادش نصبر حتا شهر ٩ .. مكرهتش من غدا ندخلك لداري !

- فكرتيني نتا للي زربان .. شنو درنا فالدار ؟؟

مهدي بكل ثقة : نسكنوا مع الدار مؤقتا على مناخدو شي وحدة نتعاونوا فيها بجوج .. عارفة خلصتي يالاه مكفياني ! و غنزيدك معايا فالحساب بزاااف ..

حنين : عارف معنديش مشكل معا نتعاون معاك و ناخدو دار بجوج .. كون غا راجل ! و كيف وقفتي معايا غنوقف معاك ..