حنين

بارت ٣٣

طلقات للي فيديها تابعاهم .. كاع للي كان تما شاف و عرف .. " دكتور الوزاني لقاوه طايح كولوا دمايات" شي كيقولها لشي حتا وصلاتو .. خلا للي فيديه لشي حد آخر و طلق جرية وحدة كيقلب عليهم كي الحمق ف les cabinets .. وحدة وحدة حتا سمع غواتها و تم غادي لعندهم نيشان
.. بدين كيترعدوا كتعاونهم ها لوكسيجين ها تزيار ديال ال collier .. حتا وصل عليهم و غا شافتو زيرات شنايفها عندها بغات تبكي ..

راشد صفر باينة الخلعة دارتها بيه مشا عندو نيشان حاط اديه على الكوليي للي فعنقو كيشوف واش متبث مزيان : مالو ؟

نطقات كوثر كترعد كتجبد خيوطا ديال المونيطور ديال القلب و الضغط و ما إلى ذلك : يالاه جابوه .. جمانة لقاتو طايح على وجهو ..

نطقات جمانة كتعاون من عندها و كتشرحلوا : معرفتش امتى فقد وعيو بالحق غالبا من 10 حتا ل 15 دقيقة .. طاح و حبس السانسور معاه حيت جا مليوح بين برا و لداخل .. جا التيكنسياه لقاه طايح على وجهو قلبو لعندو .. كان العنق معوج و جبهتوا باينة فيها واكلة جوج دقات و تنفسو غير منتاظم .. نبض باينلي ماشي نورمال و المشكلة عينيه جنابهم حمر

- سمع شنو عندها فالبلاصة قلٌب عينيه خلعوه .. هبط اديه حال السنسلة ديال اللبسة لقاها تعكسات معاه ... دار اهز مقص حتا بدا كيتحرك و عينيه مسدودين
فالبلاصة غوت راد تقلوا عليه متبتليه كتافو : شوك شوك ( choc)
كأنه عارف اش جاي .. مجاو افطنو حتا بدا كيتهز و اتخبط عليهم كلوا كيتنفض غالبهوم .. هاد الساعة راشد و داك الفرملي للي شادين شويا اما البنات غا كيكبو الما فالرملة .. دقيقة و هو هكاك .. غا شافوه زكا خرجوه جارينو دغيا من تما دايينو ..
..
لابس شوميز ميديكال مدخلينو للسكانير كيشوفو من ورا الزاج و عينيهم على البيسي قدامهم .. راشد كيعضعض صباعو كيلوح عينيه هنا و هنا ..

كوثر فتحات قوص الكلام .. عينيها العسليين ذابلين و قلبها باغي اسكت : غيوللي لاباس ! غيوللي لاباس ..

راشد دار عندها و على وضعوا بقا : معرفتش هانتي على عينيك كلشي باين .. هرسة فضلعوا باينة ريتو كلاتها و راسو مقصح نيت .. النزيف تحت الجافية باينة هي سباب الطيحة و خاصاه عملية دابا .. حالت عينيه للي حتا لدابا معرفت مالهم .. (كيحرك راسو سلبا) تت هادشي ماشي ديال ساعة و لا جوج .. كلا دقة صحيحة (هز حاجبو فيها) ماشفتي والو ؟

- بإحراج و باينة للعما مخبية شي بلان : فحالي فحالك .. معرفتش خليتو ورايا بيخير فقنيطرة نعست بكري و ففقت بكري .. مشفتوش الليلة للي فاتت و لا هاد الصباح ..

محكرش مزال .. هاد الساعة ماشي وقت اللغا .. شاف للي خاصو اتشاف و خرجو فحالهم مخليين مالين راديولوجي مكلفين بيه
..

دخلات نادية كتمسح عينيها الكبار و معاها منعم مثبت مرزن هاز رغد فدراعوا ناعسة .. لابسة كسيوة و دايرين ليها بانضة ديال التوب للشعرها الزعر .. مشاو للاستقبال سولوا عليه و خبروهم بللي مدخلينو فالبلوك ..
و راهم فين جا و خلاوهم غاديين .. وصلوا للحد معندهم لين ازيدو .. ختارو ارتاحوا فالكراسا كيساينو شي حد ابان ..