"شنو بان ليك ؟"
هادي غا ثريا للي كتشاور راجلها على مشيتها و لا نقولوا خدمتها .. هو عارف راسو معروض دوا معاه منعم بعدما عرف من ثريا خدام و مكيرجعش وقت الغدا .. بالنسبة لمنعم .. سي مصطفى عرضو هو الأول و كونوا كبيرهم و عاد داز لعائتو .. المهم الأمانة خاصها توصل من راجل لراجل ..
هز راسو فيها .. حناكها حوووومر غيطرطقو و شعرها الحكل هابط على وجهها مفضفض
- بفف مابغيتش نخصر خاطرك و مبغيتكش تمشي بوحدك .. (سكت كيفكر و هي مطرطقة فيه عينيها الكوحل الكبار كتساينو ادوي .. حتا حرك راسو بدا من جديد) متصبريش نجي فالعشية و نوصلك ؟ نوصلوا فجوايه الليل .. باتي معاهم و انا نشوف فين نكلس .. قلتيلي خاصك تصبحي معاها ..
قادات كَلستها حتا تدفعات لجيهتو معنقاه كتبوس فحناكوا و تعاود تعنق .. السيد جاي مسخسخ من الخدمة ملقاها غا قدامو ملقيا ليه .. قرات و اجتاهدات فضومين كتحبوا معليه غا اساند .. باراكا عليه كان علاين تمشيلوا من يديه ..
- ضحك كيبعدها و صوت قهقهاتو الرجولية مالية المكان : بلاتي راك بعَزْتيني .. هههه بلاتي هادشي ماشي فابور ..
غا سمعات فابور هي تقاد فالكلسة و تبنترات كتغمزوا : نخلصوا نخلصوا ازين نخلصوا بالضوبل كاع ..
- جاتو الضحكة حاضيها شافها مركبة صنطيحة و هي فوقت المعقول كل مرة تخبع ليه .. هز ورقة حداه ديال بيم .. اشهار د الجمعة هو اضربها بيها للراس : أ ماشي داكشي .. بغيت النص فالحق
ناضت تمشي تسخن الما تقاد اتاي .. دازت من حدا رجليه سارقة قبلة غادا كتجرري كتهضر من بعيد : الحق كلوا ديالك ..
ترخى على السدادر : اجي قوليلي هادشي هنا ..
- نوووض توضى و اجي ناكلوا .. اه متنساش غدا تخليلي شي فلوس ناخد ليها شي حاجة .. صحيح غنخدم ليها و لكن ندي شي حاجة .. عرضاتنا قبل الخدمة ...
ناض كينعل الشيطان مهدود : فكريني فالصباح .. عيان انا أمدام .. راجلك عياااان
....
و داكشي للي كان .. الصباح مشات شرات كادوها و اختيارها مشا لشوميز ديال طروا بياس فالسماوي .. و بللي بقا مشات عند واحد كتعرفوا خدات من عندو لي بانسو و للي خاصها و قلبها كللوا فرح .. ثمار جهدها غيبان قريب جدااا
رجعات للدار دخلات دوشات .. الفرحة مشركة ليها وجهها كتغني و تشطح بوحدها و جدات الغدا و قادات بالخف شي حوايج خفاف تقدمهم معاهم فالطريق لا يجيهم الجوع .. غا وصل العصر ناضت توضات و صلات .. هزات المايكاب باG، نقات البرودوييات بالخف و جمعات الدنيا كل حاجة فلابصتها .. سالات خلات كلشي محطوط حدا الدخلة ديال الدار زائد باليزة متوسطة ..
ما دازش بزاف د الوقت حتا تم داخل .. طلات عليه مخرجة راسها : على السلامة
- ساد الباب وراه الله اسلمك .. (شاف شنو محطوط) كلشي واجد ؟
خرجات كلها غادا محيدة ليه كارطابل د البيسي من يدو بايساه من حنكو : وي واجد .. دخل لكوزينة خليت ليك الغدا .. ماشي بزاف باش كليت حتا انا ..
أنت تقرأ
حنين
Romantik" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...
