حنين

بارت ٢٤

الكونجي للي خدا عيسى داز بسرعة فتجهيزات السبوع و الحفل البسيط للي دارو معلنين على سمية الولودة "رغد الوزاني" للي قتارحاتها كوثر و عجباتو .. المهم بلا ميعرف التفاصيل ..

شهراين دازو طايرين عند شي و شي لاخر كيحسب بالسوايع .. طايرين عند حنان للي بدات علاجها الفيزيائي بمساندة مها للي سكنات مؤقتا فدار حنين و كديبلاصا لكازا لواجباتها تجاه زوجها و توجدليه الاساسيات للي غيخصوه فالسيمانة للي غتغيب فيها و زيد مساندة راشد للي تقريبا معاها فكل مغامراتها و حنين للي كتساندها من بعيد .. واخل عقلها مرفوع و حتا من وجهها مبدل كلشي لاحظ فيها هادشي

كوثر بدات حرب الأجناس مع واليديها من جديد و باها للي مقلق عليها حيت مشرفاتوش و ماشي اتفاقهم هداك .. المسؤولية جاتها صعيبة هاملة بنتها و هاملة راسها و دارها ..

على ذكرها .. معصبة من كلام باها للي من نهار ولدات و هي كتسمعوا عمروا مطل عليها و لا بارك ليها .. كالسة كترد النفس و نيفها كيزفر دخان .. هازة شعرها كعكة مخربقة حااالتها حالة ..وصدرها عامر مطراسي التيشورت للي لابسة بالحليب .. كتحرك الكونة ديال بنتها للي كتبكي بالجهد و هي كتبكي معاها ..

كوثر كدوي معاها كي الحمقة : سكتي سكتي مفيك نفع نضيع عضامي على والو .. كون تزاديتي ولد كون مبرعين انا وياك بالحق الغلط غلاطي بغيت نشد باك بللي كان لقيتك فيدي مقديتش نضيعو ..

سمعات السوارت مسحات عينيها هزاتها بالزربة و جبدات تعطيها ترضع .. رغد غا عتقاتها و بجهد البكا نعسات فالبلاصة ..

دخل عيان .. الدار حالتها و هو حالتو مكينعس مكايشوفو بالبكا د البيبي فلليل و كوثر للي مكديهاش فيها و لا تسكتها .. زفر النفس د الروتين المخ*ري للي ولا فيه دخل البيت النعاس الأول لقاه مزفر داز حل السراجم جمع الحوايج من الارض حطهم فالشبكة لبس تيشورت و شورط و تم غادي عندهم داخل ..

عيسى : اهلا

كوثر : على السلامة

عيسى حول عينيه لبنتو تا شاف الجهة الثانية للي عامرة و كطبيب ثار جسدها انتباهو : شحال من مرة رضعتي اليوم ؟

كوثر بغير نفس : معرفتش

توجه جيهتها قاسها و تلاح حداها : عادي عادي كنقول ياكما شي مشكل ..

- حيدات فم بنتها و هزاتها حطاتها على الكونة و جمعات رزقها : كون كان شي مشكل غنحس بيه انا الاولى .. ذاتي هادي وانا عارفاها

- لاح عينيه جيهتها هي تجيه الضحكة : كوثر كنقوليك رضعي منهم بجوج شوفي شكلهم

كوثر : نعسات اش ندير ليها

عيسى بغنج غامزها : تانا بغيت نعرف ذاتك باش لا كان شي مشكل نحس بيك و لا اش بانلك فشي عشا خفيف .. حالتي معالم بيها حد باراكا غا من نهار حملتي وانا محروم و نيت دوشي تحيدي عليك هاد الحالة