حنين

بارت ١٨

واقفة فالغيسيبسيوه ديال الطابق الثاني فين خدامة كتشوف و تأكد من اش عندها فبروكرامها حتا ودنيها كايلقطو الهضرة بغير قصد
الفرملية ١ : اوييييييلي !!

الفرملية ٢ : و تشوفي حالتها مسكينة تقولي مسلوخة كلها دمايات تشوفيها متعرفي متبدايها بالحق على حساب مقاتلي خولة فاش عيطات ليهم شرحات حالتها كطلبهم اسربيو اعتقو البيبي ..

الفرملية ١ : مسكينة ..

الفرملية ٣ للي لقات الهضرة فمهم : على داكشي مشا كيجري ..

الفرملية ٢ : اوا الدري الليل كامل ساهران على العملية حتا كيلقى ختو مرمية فالكلينيك كان بينها و بين الموت غا شوية ...

تدخلات الغيسيبسيونيسط (réceptionniste) دافعة الكرسي جيهتهم مقاطعاهم : علامن كدويو بعدا ؟؟

الفرملية ٢ : هاء ! و شكون من غيرو .. دكتور الوزاني اصاحبتي

الحوار كامل حنين دايرة راسها كتقرى اما هي لقطات كاع الحروف و الكلام حتا حفظاتو .. عاقت على راسها و بدلات القنت معندهاش مع النميمة و لا الغيبة بالحق متنكرش إلى مقالتش بللي تعجبات فراسها للي صبرات على هضرتهم و ثارت انتباهها ... غا تحركات من تما صونا تيليفونها بنمرة ماماها للي ماشي بزاف باش دوزات معاها العطلة و جابت الوراق لحنان تكمل القراية فالرباط منها تونس ختها ..

منى : على سلاااامتي ولينا نشدو معاك الرونديفويات يالاه تجاوبي

حنين : قاعيدتك هي هي .. اماما راني خدامة كتصوني عليا خمسين مرة فالنهار عارفة توقيتي ندخل للدار و نتجمعوا

منى : نصوني وقت ما بغيت حتا تولديني و حكمي فيا .. معلينا خالتك نجية راها جاية خلاتلي محمد عندو قرايتو

حنين : على موضوع بيت ختها !

منى : و عندك الخبار من الفوق .. تبارك الله مكتقتلي بنادم مكتحييه (تفكرات) كيفما عرضو عليكم ديرو الصواب و زوروهم

حنين : واخا حتا ندوز ..

منى : يالاه بسلامة

قطعات على ماماها من ناحية كتشوف عندها الحق .. مرة كتقول مالي اش كانجيهم ..
عوجات شنافتها حايرة ... مشات تشوف خدمتها حتا العشية لابقاو و دوز ديك الساع ..

.. الجو متوتر و القضية حامضة كالس محسن و على راسو نادية كتغوت وتحيح معندها كسر لا للي مريض لا لاقي الراحة لا لطبيب .. كيبان مركز اما هو غا ساكت كيتعصر على حالو للي جاي وسط هاد المعمعة و على رزقو للي مشا ليه من يدو و على مو للي معارف والو لا منها لا عليها ..
نادية بعصبية : شفتي مك في وصلات بنتي و فين وصلاتكم و وصلاتنا .. التربية للي كلنا لاباس لصقات و صدقات مشات هكاك (ضربات اديها مع بعضهم) شوف حالت البنت ماهي حية ما هي ميتة