කමෙන්ට් ගෝල් 30
"සභාවේ ඒක මතික තීරණය අනුව ඔබතුමා ට හිමි වන දඬුවම පිලිබඳව අප තීරණයකට ආවා ඔමේගා ටේහ්‍යුන්"
ටේහ්‍යුන් සභා ගර්භයේ දණ නවාගෙන සිටිද්දී රාජ්‍යයේ මහ ඇමති පැවසූවා. ටේහ්‍යුන් දෑස් වසාගෙන මහරජු ඉදිරියෙ දණ නවාගෙන සිටියා විනා කිසිවක් කීවේ නැහැ. සිංහාසනයේ අසුන් ගෙන සිටි මහරජුද , ඔහුගෙ එහා පසින් හිස් වී තිබෙන තමාගෙ සිහසුනද , දෑස් විවර කල ඔහු දුටුවා. තමා දෙස බලා සිටින මහරජු දෙස බැලූ ඔහු දෑස් වල කඳුලු පුරවා ගත්තත් මහරජු ඔහුගෙ බැල්ම මග හැරියා නිරායාසයෙන්.
" නිර්දෝෂී අයෙක් වූ ඔමේගා ජිමින් , වරදකරුවෙකු කිරීමට තැත් කිරීමත් , රාජ්‍යයෙ තමනම් ඖෂධයක් වූ වුල්ෆ්බේන් ඖෂධය ආනයනය කිරීම හා ළඟ තබා ගැනීමේ වරදටත් හිමි දඬුවම වශයෙන් ඔමේගා ටේහ්‍යුන් නිලයෙන් පහ කරන අතර ~ මහරජු ගෙ සාමාන්‍ය තුන්වන පන්තියෙ සලකුණු නොකළ ඔමේගාවෙකු වශයෙන් මාලිගයෙ වසන්නට නියෝග කර සිටිනවා!"
මහ ඇමති නියෝග කරද්දී ටේහ්‍යුන් දෑස් වසා ගත්තත් ඔහුගෙ දෑසින් ගැලූ කඳුලු කැට කම්මුල් තෙමාගෙන ගලා බසින්නට වූවා.
"වෘක රාජ්‍යයෙ ප්‍රධාන ඔමේගා ලෙස තිබූ ඔබේ නිලය ඔබට අහිමි වීමෙන් ඔබට පැනවෙන සීමා පිලිබඳව ඔබ දැනුවත් කියා මම බලාපොරොත්තු වෙනවා ඔමේගා ටේහ්‍යුන්. ඔබට මංගල මුදුව හා මාලය හැර වෙනත් කිසිදු ආභරණයක් පැලඳීමට අවසර නැහැ. එසේම ඔබට එක් ප්‍රධාන සේවිකාවක් හැර වෙනත් පරිවාර සේවිකාවන් සිටිය නොහැකි අතර ඔබට රිසි ලෙස මාලිගයෙ ඇවිදීමට නොහැකි. මහරජුව හා අනෙකුත් ඔබට වඩා ඉහල තනතුරු දරන ඔමේගාවන් හමු වීමට හෝ ඔවුන්ගෙ දෙපා හැර වෙනත් ශරීරයෙ කොටසක් ස්පර්ශ කිරීමට ඔබට අවසර නොමැති වග ඔබ මතකයෙ රඳවා ගන්න. මහරජු ගෙ ආඥා පරිදි ඔබට ඔබගෙ පියා මියයාමට පෙර ඉදිකර දුන් ඔමේගා මන්දිරය ඔබගෙන් පවරා නොගනු ඇතියි!"
ඔහු දිගටම පවසද්දී ඔමේගාගෙන් කිසිදු පිලිතුරක් ලැබුණෙ නැති උනත් ඔහු මහරජු දෙස බලා සිටියෙ මහරජු ඔහුගෙ බැල්ම මග හරිද්දී.
"ඔබට යම් ගැටලුවක් තිබේද ඔමේගා?"
මහ ඇමති ප්‍රශ්න කරද්දී ටේහ්‍යුන් ඔහු දෙස බැලුවා.
YOU ARE READING
You Are My Alpha | TK ✓
Fiksi Penggemarදෙතැනක නතර උන පෙම් කතාවක් alpha X omega male pregnancy mature content Started date - 11 Feb 2023 Completed - 01 May 2023
