Unicod
"အယ် မြူ...သရဲကားကြီးကြည့်မလို့လား"
"ဟုတ်တယ်လေ အမျိုးသမီးရဲ့...ဘာလို့လဲ အမျိုးသမီးက ကြောက်လို့လား"
"အို တို့အသက်အရွယ်နဲ့သရဲကြောက်စရာလား..ဒါမဲ့မကြည့်ပါနဲ့လား မြူလန့်မှာ စိုးလို့ပါ"
"မြူက ငယ်ငယ်ကတည်းက cartoonကားတွေကြည့်လာတာမဟုတ်ဘူး သရဲကားတွေပဲကြည့်လာတာ အေးဆေးပါ"
"တော်တော်မလွယ်တဲ့ကလေးပါလား..အေးနော် နောက်မှ တို့ရင်ခွင်ထဲမှာ မျက်လုံးကြီးမှိတ်ပြီးမနေနဲ့နော်"
"ဟဟ စောင့်ကြည့်လိုက်ပါ အမျိုးသမီးရဲ့"
တကယ်လည်း တိမ်လွှာက သရဲမကြောက်တတ်တဲ့မိန်းကလေးပါ...လောလောဆယ်ကြောက်နေတာက အမျိုးသမီးပင်။တိမ်လွှာ့ရင်ခွင်ထဲမှာ မျက်လုံးကိုလက်နှစ်ဖက်နဲ့အုပ်ပြီးလက်ကြားထဲက ချောင်းကြည့်နေတဲ့သူက ခုနမကြောက်ဘူးဆိုပြီးကြွေးကြော်ထားတဲ့အမျိုးသမီးရယ်ပါ..
"မြူ တစ်ခြားကားပြောင်းလိုက်ပါလားကွယ်..တို့ကြောက်လာပြီ"
"အမျိုးသမီးပြောတော့ မကြောက်ဘူးဆို"
"အခု မြူ့ရဲ့ သရဲကားကြီးက အရမ်းကြောက်ဖို့ကောင်းနေတာကို..တော်ရုံတန်ရုံ ကားတွေဆို တို့က မကြောက်တတ်ဘူးလေ အခုကားက ကြည့်ပါအုံး ရုတ်တရက်ကြီး သရဲမက ထထပေါ်လာတာ တို့မကြောက်ဘဲနေမလား..ပြောင်းလိုက်ပါနော်"
"ခဏလေးပါအမျိုးသမီးရဲ့ကောင်းခန်းရောက်နေပြီကို..အမျိုးသမီးကြောက်ရင် တိမ်လွှာ့ရင်ခွင်ထဲမှာ နေနော် တိမ်လွှာဖက်ထားပေးမယ်"
"ပြီးရောကွယ်"
မှိုင်းက ထိုကလေးမနဲ့ပတ်သတ်ရင် မှိုင်းဘက်ကပဲဦးဆောင်ချင်တာ မှိုင်းဘက်ကပဲကာကွယ်ပေးချင်တာ မှိုင်းဘက်ကပဲ ယောင်္ကျားလေးနေရာမှာနေချင်ပေမဲ့လည်း..လောလောဆယ် မှိုင်းရောက်နေတာ မြူ့ရဲ့ရင်ခွင်ထဲကိုပင်။
"အချစ်"
"ရှင်"
"တို့က အိမ်ထောင်ဦးစီးနေရာမှာပဲ နေမှာနော်"
"ထူးထူးဆန်းဆန်းဘာလို့ဒီလိုစကားမျိုးပြောတာလည်း အမျိုးသမီးရဲ့..တိမ်လွှာက အစထဲက အမျိုးသမီးကို တိမ်လွှာ့ရဲ့အိမ်ထောင်ဦးစီးနေရာမှာထားတာပါ"
YOU ARE READING
"မှိုင်းရိပ်ညို" ("မိႈင္းရိပ္ညို")
Romanceအမျိုးသမီးရဲ့စကားသံတွေဟာ အမိန့်ပေးသံလည်း မဟုတ်ပါဘဲနဲ့ ကျွန်မမှာ အမျိုးသမီးပြောလိုက်တိုင်း တစ်သွေမသိမ်းလိုက်နာချင်နေတာ ဘာကြောင့်များလဲ... "တိမ်လွှာမြူ" အမ်ိဳးသမီးရဲ့စကားသံေတြဟာ အမိန႔္ေပးသံလည္း မဟုတ္ပါဘဲနဲ႔ ကြၽ...
