Unicod
ချစ်ရသူနဲ့အေးအေးချမ်းချမ်းလေး အပန်းဖြေချင်လို့သာ ဒီလိုနေရာကိုဝယ်ထားရတာ..တကယ်ဆို ဒီနေရာက မိန်းမသားနှစ်ဦးထဲ နေဖို့ကြတော့ အန္တရာယ်လည်းများသလို လူလည်းပြတ်လေသည်။
မှိုင်း အမြဲတမ်း ဆောင်ထားတတ်တဲ့ ဓားကို လက်မှာကိုင်ထားတာ အိမ်ထဲကို အသာလေး ဝင်လိုက်လေသည်။အိမ်ထဲမှာ မှောင်နေတာကလွဲ၍ မည်သူတစ်ဦးတစ်ယောက်မှတော့မရှိပေ...ပစ္စည်းတွေကလည်းနေရာတကျရှိနေတာကြောင့်ထူးတော့ထူးဆန်းသား..တကယ်ဆို ဒီလိုအခြေအနေက ပိုကြောက်ဖို့ကောင်းလေသည်။
"အာ့...အမျိုးသမီး"
သတိတစ်ချက်လွတ်သွားတဲ့အချိန်မှာပဲ အနောက်ကမြူ့ရဲ့အော်သံကို ကြားလိုက်ရကာ...မှိုင်းခါးကို လာထောက်တဲ့ အရာတစ်ခု..မှိုင်းလှည့်ကြည့်မယ်လုပ်တော့
"အဲ့ဓားကို အရင်ချပြီး အနောက်ကို ဖြေးဖြေးချင်းလှည့်လိုက်...မဟုတ်ရင် ခင်ဗျား မိန်းကလေးသေမယ်"
မှိုင်း ဒီအသံကိုရင်းရင်းနှီးနှီး ကြားဖူးနေပေမဲ့ မှိုင်းအခုချိန်မှာ ဘယ်သူဘယ်ဝါလည်းဆိုတာကိုစဉ်းစားချိန်မရ ချစ်ရသူကိုစိတ်ပူတဲ့ စိတ်တွေသာ မှိုင်းရင်ထဲ ပြည့်နှက်နေလေသည်။မှိုင်း သူတို့ပြောတဲ့အတိုင်းလုပ်ကာ ဖြေးဖြေးချင်းလှည့်လိုက်တော့ မျက်နှာဖုံးတွေစွပ်ထားတဲ့ လူနှစ်ယောက်ပင်...အိမ်ကလည်းမှောင်နေတာကြောင့်ထိုလူနှစ်ယောက်ကိုမှိုင်းဘယ်လိုမှ ခန့်မှန်းလို့လည်းမရ...
"မင်းတို့က ဘယ်သူတွေလဲ"
"နောက်ကြရင်သိရမှာပေါ့"
"မင်းတို့ဘာလိုချင်လို့အခုလိုလုပ်ရတာလဲ...တို့နဲ့ ရန်ငြိုးရှိခဲ့ရင်တောင် တို့ကလေးကိုတော့လွှတ်ပေးလိုက်ပါ"
"ခင်ဗျား ကလေးကိုလွှတ်ပေးလိုက်တော့ ကျူပ်တို့ကိုရဲသွားတိုင်မှာပေါ့..ဟားဟား ကျုပ်အဲ့လောက်တော့ မနုံပါဘူး မှိုင်းရိပ်ညိုရယ်"
မှိုင်း နာမည်ကို အပြည့်အစုံခေါ်လိုက်တာကြောင့် မှိုင်းရိပ်မိတာက ဒီလူနှစ်ယောက်ဟာ မှိုင်းနဲ့ရန်ငြိုးရှိခဲ့တဲ့ပုံပင်...
YOU ARE READING
"မှိုင်းရိပ်ညို" ("မိႈင္းရိပ္ညို")
Romanceအမျိုးသမီးရဲ့စကားသံတွေဟာ အမိန့်ပေးသံလည်း မဟုတ်ပါဘဲနဲ့ ကျွန်မမှာ အမျိုးသမီးပြောလိုက်တိုင်း တစ်သွေမသိမ်းလိုက်နာချင်နေတာ ဘာကြောင့်များလဲ... "တိမ်လွှာမြူ" အမ်ိဳးသမီးရဲ့စကားသံေတြဟာ အမိန႔္ေပးသံလည္း မဟုတ္ပါဘဲနဲ႔ ကြၽ...
