Unicod
"ဟင် ဆုလေးကဘယ်လိုလုပ်..မမနဲ့သိသွားတာလဲ"
"ပြောရမှာတော့ နည်းနည်းရှည်တယ်..ဒါပေမဲ့ ကိုယ်အသည်းကွဲနေတုန်းက ကလပ်မှာ စခင်တယ်ပဲပြောရမှာပေါ့"
"ဆုလေးနော် နင်မမနဲ့ ခင်တာကိုငါ့ကိုလျှိုထားတာ"
"မဟုတ်ပါဘူးဟယ်...နင်နဲ့ငါနဲ့ကအခုနောက်ပိုင်းတွေ့ဖြစ်တာကြနေတာပဲ"
"ဟုတ်ပါပြီ...ဒါဆို ကိတ်မုန့်ခွဲကြရအောက်လေ"
"မြူ တို့နားလာခဲ့"
တိမ်လွှာ အမျိုးသမီးနားကို သွားတဲ့အခါအမျိူးသမီးကတိမ်လွှာ့ခါးလေးကိုဆွဲဖက်လိုက်ပြီး တိမ်လွှာ့ကို ရင်ခွင်ထဲထည့်လိုက်ကာ...
"တို့မွေးနေ့မှာ တို့ချစ်ရတဲ့သူလေးနဲ့ ကိတ်မုန့်တူတူခွဲချင်လို့လေ"
အမျိုးသမီးက သိပ်ရင်ခုန်အောင်လုပ်တတ်လေသည်။အမျိုးသမီးရုတ်တရက်လုပ်လိုက်တဲ့ လုပ်ရပ်တွေဟာ ဘယ်လိုမှမထင်ထားတဲ့လုပ်ရပ်တွေဖြစ်ပြီး သိပ်ကိုမှ ရင်ခုန်ဖို့ကောင်းလေသည်။
တကယ်ပါ ဒီနေ့က မှိုင်းရဲ့အပျော်ဆုံးနေ့လို့ပြောလို့ရသည်။မှိုင်းချစ်ရတဲ့သူတွေနဲ့ မွေးနေ့ပွဲကို နွေးနွေးထွေးထွေးကျင်းပချင်တာက မှိုင်းရဲ့အိမ်မက်တွေထဲက တစ်ခုပင်...အခုတော့မှိုင်းအိမ်မက်တွေအားလုံး တကယ်ဖြစ်လာခဲ့လေပြီ..
"တစ်ခုကျန်သေးတယ်"
"ဘာများလဲမြူ...ထပ်ပြီး တို့နှလုံးရပ်မဲ့ကိစ္စတွေတော့မဟုတ်ပါဘူးနော်"
"ဟီး မပြောတတ်ဘူးလေ...ရပ်ရင်လည်းရပ်သွားလောက်တယ် မျက်စိခဏမှိတ်ထား"
"မြူ တို့နားက ထွက်သွားမှာတော့မဟုတ်ပါဘူးနော်"
"ဟဟ မဟုတ်ပါဘူး အမျိုးသမီးရယ် မျက်စိလေးသာ ခဏမှိတ်ထား"
မှိုင်း မြူပြောသလိုသာ မျက်စိလေးကိုအသာလေးမှိတ်ထားလိုက်လေသည်။မိနစ်ပိုင်းလောက်ကြာတဲ့အထိ ဘာအသံမှမကြားဘဲ တိတ်ဆိတ်နေတာကြောင့် စိတ်ထဲ တစ်မျိုးလေးဖြစ်နေလေသည်။
" မျက်လုံးဖွင့်လို့ရပြီ"
မှိုင်း မျက်လုံးဖွင့်လိုက်တော့ မှိုင်းအရှေ့မှာ ဒူးထောက်နေတဲ့ မြူက မှိုင်းကိုပြုံးပြကာ...
YOU ARE READING
"မှိုင်းရိပ်ညို" ("မိႈင္းရိပ္ညို")
Romanceအမျိုးသမီးရဲ့စကားသံတွေဟာ အမိန့်ပေးသံလည်း မဟုတ်ပါဘဲနဲ့ ကျွန်မမှာ အမျိုးသမီးပြောလိုက်တိုင်း တစ်သွေမသိမ်းလိုက်နာချင်နေတာ ဘာကြောင့်များလဲ... "တိမ်လွှာမြူ" အမ်ိဳးသမီးရဲ့စကားသံေတြဟာ အမိန႔္ေပးသံလည္း မဟုတ္ပါဘဲနဲ႔ ကြၽ...
