HUG ME - Vhope [Completed]

25

මන් සෝයුන්ව හොස්පිටල් එකෙන් දාලා ආපහු එන්න හැදුවත් එහෙම එන්න අවස්තාවක් හම්බුනේ නෑ. ඒ කලින් වතාවෙ හිටපු ඩොක්ටර්මයි. සූබින් හම්බවෙන්න ඉද්දි හිටපු ඩොක්ටර්මයි. ඒ මනුස්සයගෙ මතකය කොච්චර හොඳද කියනවනම් එයාට මාව මතක තිබුනා.

"ජන්ග් හෝසොක් ශි.. "

"ඇ?"

"බයවෙන්න එපා... ගියවතාවෙ තරම් ලොකු ප්‍රශ්නයක් නෑ . මට හොඳටම විශ්වාසයි ඔයාගෙ බබා වගේම වයිෆ් දෙන්නම ප්‍රශ්නයක් නැතුව ඉඳීවි මේපාර."

"අහ්.. හ්ම්. වයිෆ් නෙවේ.. "

"ඇහ්.. ඔයාගෙ වයිෆ් නෙවේ?. මට හොඳට මතකයි මීට අවුරුදු තුන හතරකට කලින් මේ ගෑනුලමයවම ඔයා අරන් ආවා ගොඩාක් අමාරුවෙලා.. බේරගන්නම බැරි මට්ටමේ ඉද්දි මන් බබාවයි ඔම්මාවයි දෙන්නවම අමාරුවෙන් බේරගත්තා."

"අහ්!.. ඩොක්ටර්ට මතකයි. අවුරුදු තුනකට කලින්.. "

මන් ලැජ්ජාවෙන් බිම බලාගත්තා.

"මට අමතක වෙයිද.. හහ් හහ්.. ඒත් මොකද්ද කිව්වෙ වයිෆ් නෙවේ කියලා! "

"අපි.. ඩිවෝස් වුනා.. මේ.. ඒත්.. කාරණා කීපයක් නිසා මට සිද්ධවුනා එයාව හොස්පිටල් එක්කන් එන්න. "

"අහ්. මට තේරෙනවා. එතකොට දරුවා !"

"මගේ- "

මන් කියලා ඉවරකරන්න කලින් නර්ස් කෙනෙක් කතාකලාම ඩොක්ටර් ඇතුලට ගියා.

"නෙවේ "

ඩොක්ටර්ත් මාව අඳුරගත්තු එකේ එක්කන් ආව ලෙඩාවත් තනියම දාලා යන එක හරිනැති නිසා මන් හිටියා සෝයුන්ට බබා හම්බෙනකන්ම. සූබින්ට වඩා ඉක්මනට එයා එලියට ආවා. මට මහලොකු සතුටක්වත් දුකක්වත් ඇතිවුනේ නෑ ඩොක්ටර් කිව්වාම දෙන්නම හොඳින් කියලා.

ඩොක්ටර් මට ඇවිල්ලා බබාව බලන්න කිව්වට මන් නොයා හිටියා. එක්කො එයාගෙ මහලොකු බෝයිෆ්‍රෙන්ඩ් එන්න ඕනෙ!

"හෝසොක් ශි. ඔයාගෙ ෆයිෆ් ඔයාව අහනවා. ගිහින් දරුවවයි එයාවයි බලන්න."

නර්ස් කෙනෙක් ආයෙත් ඇවිල්ලා මට වද කලාම මට සෝයුන්ව බලන්න යන්නම වුනා.

මන් දන්නවා ඉපදුන ගමන් ලමයා කවුරුවගේද කියලා හොයන්න අමාරුයි ඒත් සෝයුන්ගෙ දරුවා මන් වගේ නෙවේ කොහෙත්ම. මට ඒක ගැන පුංචිහරි දුකක් දැනුනෙ ඒ දරුවා මගේ වෙයි කියලා මන් බලාපොරොත්තුවෙන් හිටිය නිසාද කියලා මටම තේරුම් ගන්න බෑ.