HUG ME - Vhope [Completed]

26

සොක්ජින් ටේහියුන් හොඳින්නෙවේ කිව්ව එකෙන් අදහස් කලේ මොකද්ද කියලා මට තේරුනෙ නෑ. ඒත් ඒ වචන ටික අහපු ගමන් එයාව හොයාගෙන යන්න මාව ඉඳන් හිටිය තැනින් නැගිට්ටුනා.

"අප්පා... ඇයි"

"අහ්.. සූබින්... මුකුත් නෑ. ඔයා කන්නකො ඕක හිමීට. "

මන් ආයෙත් වාඩිවුනා. සූබින් කාලා ඉවර වෙනකන් මන් ඉවසිල්ලක් නැතුව බලන් හිටියා. මගෙ අයිස් ක්‍රීම් එක එහෙම්මම දිය වෙලා ජූස් එකක් වෙලා තිබුනා වීදුරුව ඇතුලෙ.

"අප්පා කන්නෙ නැත්තන් මොකටද ගත්තෙ... අපලාදෙනෙ.. "

මන් හිනාවෙලා නිකන් හිටියා.

"සූබින්.. ටේ බෙයාර්.. ඔයාට එයාව මතකයි නේද.. "

"ටේ බෙයාර්.. ටේ බෙයාර්ව බලන්න ඕනෙ.. "

"අපි යන්.. ඒත් ටේබෙයාර් අප්පා එක්ක තරහා වෙලා ඇත්තෙ. "

"සූබින්ට පුලුවන් යාලු කරලා දෙන්න.. "

සූබින් හිනාවෙවී කිව්වට මට හිතුනෙම ටේහියුන් සූබින්වත් ප්‍රතික්ශේප කරාවි කියල. ටේහියුන් මගෙ පෙනුමටත් වෛර කරනවා ඇති.

වාහනේට නැග්ගට පස්සෙ ටේහියුන් ව බලන්න යනවද නැද්ද කියලා මගේ හිත වැනෙන්න ගත්තා.

"අප්පා ටේ බෙයා.. ටේ බෙයා.. "

සූබින් නිසා මට යන්නම වුනා.

මන් සූබින්ගෙ අත මගෙ අතේ පටලගෙන ටේහියුන්ගෙ ගෙදර දොර ඉස්සරහට වෙලා සෑහෙන වෙලා කල්පනා කරලා  බෙල් එක ගැහුවෙ.

"ටේ.. මම"

එයා ඇවිත් දොර ඇරියා. රතුපාට වුන ඇස් ලොකු කතාවක් කිව්වත් මට ඒක තේරුම්ගන්න බෑ.  ඒ ඇස් මන් දිහා සෑහෙන වෙලාවක් බලන් ඉදලා මාව බදාගත්තා. මන් එහෙම දෙයක් බලාපොරොත්තු නොවුන නිසාද මන්දා මන් තවමත් සූබින්ගෙ අත අල්ලගෙන ගල් වෙලා හිටගෙන ඉන්නවා.

එයා එකපාරටම මගෙන් ඈත්වුනා. හරියට එයා මාව බදාගත්තෙ වැරදීමකින් වගේ.

"ටේ.. "

"යනවා යන්න මගෙ ඉස්සරහින්. බොරුකාරයා. "

"ටේ..! "

ටේ මගෙ මූනටම දොර වහන්න යද්දි මන් දොර අල්ලගත්තා.