HUG ME - Vhope [Completed]

19

ටේහියුන් හරි විස්තරයක් නොකියා මට එයාව බලන්න එන්නම කියද්දි මට බයත් හිතුනා මොනවා කරගෙනද කියලා.අන්ති එක සොක්ජින් මට එන්න එපාත් කිව්ව එකේ මන් කොහොමද ලැජ්ජ නැතුව යන්නෙ. ඒත් ටේගේ වදෙන් බේරෙන්න මන් ඊලග දවසෙ ඇකඩමි එක ඉවර වුන ගමන් ටේව බලන්න ගියා ලොකු බඩු මල්ලකුත් උස්ස එයාගෙ ගෙදරට ඕනෙ වෙයි කියලා හිතුන.

"ටේ මන් මෙහෙම එන එක හරි නෑ.. "

"හියුන්ග් ගෙදර නෑනෙ ප්‍රශ්නයක් නෑ... "

"ඇයි එන්න කිව්වෙ."

"නිකන්.. ඔයාව බලන්න හිතුනා"

"ටේ..! මන් බය වුනා. ඔයානම් හරිම නරක ලමයෙක්. දැන් මාව බැලුවනෙ මන් යන්නම් ඔයාගෙ හියුන්ග් එන්න කලින්."

"හියුන්ග් කිව්වා ඔයාව එයාට මඟදි හම්බුනා කියලා ඊයෙ. හියුන්ග් කිව්වා ඔයා හොඳ මනුස්සයෙක් කියලත්, ඒත්, හියුන්ග් කිව්වා කීයටවත් මාව ඔයාට දෙන්නෑ කියලා. "

එයා ඒක කියලා බුම්මගත්තා.

"ටේ.. එයා පස්සෙ කැමති වෙයි. "

"නැහැ..මගෙ හියුන්ග් එකපාරක් කිව්විත් කිව්වාම තමයි. "

"අපි බලමුකො.. ඔයාට හිතෙන්නෙ නැද්ද කොහොමටත් මේක හරියන දෙයක් නෙවේ කියලා.."

"මොනාද හියුන්ග් කියවන්නෙ .  හියුන්ග්ව නැතිවුනොත් මන් මැරෙයි. "

ටේහියුන් මගෙ ඇඳුම ගුලිකරලා අල්ලගෙන මගෙ මූනට එබුනා.

"හියුන්ග්.. ඇත්තම කියන්න. මගෙන් මොනාදො හංගනවා නේද.. "

බෙල්ල ඇද කර කර හුරතල් මූනක් දාන් ඇහුවට එයාගෙ ඇස් ටික ටික තෙත් වෙනවා මට පෙනුනා.

"මන්.. ඔයාගෙන් මොන හංගන්නද."

"මට ඔයාගෙ පොඩි වෙනසක් වුනත් තේරුම් ගන්න පුලුවන් හියුන්ග් . ඇත්ත කියන්න.. මොකද්ද හිතේ තියන් ඉන්නෙ. මට කියන්න බැරි දේවල් ඔයාට නෑනෙ.. අපි අතර රහස් නෑනෙ. එහෙම නෙවෙද.."

"ටේ.. ඔයා දැනගන්න ඕනෙ නැති දේවල් මන් ඔයාට කියන්නෑ ඒක එච්චරයි. "

එයා මගෙ පපුවට ගහගෙන ගහගෙන ගිහින් ආයෙ මටම තුරුලු වුනා.

"තුවාලෙ පෑරෙයි. තාම වේලිලා නෑනෙ.. "