HUG ME - Vhope [Completed]

34

වසර 3 කට පසු,

සූබින්ව එයාගෙ ඩාන්සින් ඇකඩමි එකෙන් ගන්න යනකොට එයා ගෑනු ලමයි ගොඩක් වටකරගෙන කයිය ගගහා ඉන්නවා දැක්කාම මට එයාව ඇල්ඟට ගිහින් කනෙන් ඇදගෙන එන්න හිතුනත් මන් හෝන් කරලා එයා එනකන් බලන් හිටියා.

"ඔයාගෙ හොඳ වෙලාවට ඔයා මගෙ ඇකඩමි එකේ නොවුනෙ සූබින්. මන් ඒ ගෑනු ලමයින්ට කියන්න ද මේ හැන්සම් කොල්ලා තාම ඇඟිලි උරන බබෙක් කියලා ."

"අප්පා.... මන් ඒක නවත්තලා ගොඩක් කල්! "

ගෙදරට යනකන් එයා මූණ දිග් කරගෙන ගියා. මන් විතරයි කතා කලේ.

ගෙදර ගියාට පස්සෙ කා' එකෙන් හදිසියෙ බහින්න ගිහින් ඔලුවත් වද්දගත්තා.

"ආව්... "

"සූබින්!. රිදුනද, කෝ බලන්න! "

"රිදුනෙ නෑ.. , ඔම්මා..... මන් ආවා! "

මට පුප්පගෙන එයා ගේ ඇතුළට ගියා.
අපි දෙන්නම ඇතුලට යද්දි මිචෙල් බබාවත් වඩාගෙන අපේ වෙඩින් ෆොටෝ එක දිහා බලන් හිටියා.

"ඔම්මා.. "

සූබින් ගිහින් මිචෙල්ගෙ කම්මුලෙන් හාද්දක් තිබ්බා.

"සූබිනී.. ගිහින් වොශ් දාන් එන්න.. දාඩිය  ඔයා ළඟ! "

සූබින් සෙල්ලක්කාර විදියට හිනාවක් දාලා අතුරුදන් වුනා.

මිචෙල් මගෙ දිහා ඇස් දෙක ලොකු කරන් අහින්සක විදියට බලන් ඉන්නකොට මටත් එයාගෙ කම්මුලට කිස් එකක් නොදී ඉන්න බැරිවුනා.

මිචෙල් ලඟ සෝයුන්ට වඩා හොඳ ගතිගුණ ගොඩක් තිබුනා. මිචෙල් මට ගොඩක් ආදරේ කරනවා. මට එයාව තවත් මඟ අරින්න බැරි තරම් එයා මට ආදරේ කරනවා.

සූබින් වෙනුවෙන් මන් මිචෙල්ව මැරි කලත් අපි දෙන්නා අතර මොකද්දො දුරස්කමක් තිබුනා මගෙ පැත්තෙන්. ඒ දුරස්කම මිචෙල්ට අපේ දුව හම්බවුනාම නැතිවෙයි කියලා හිතුවා.

ඒත් තවමත් , මන් මිචෙල්ට කොයිතරම් ගරු කලත්, ආදරේ පේන්න හාදු දුන්නත්, ඒ දුරස්කම නැතිවුනෙ නෑ. ඒත් අපි හොඳ පවුල් ජීවිතයක් ගත කරනවා.

මිචෙල් සූබින්ට වඩා දුවට ආදරෙ දෙනවා කියලා මට තේරුම් ගිහින් තිබුනා, ඒත් සෝයුන් තමන්ගෙම දරුවා වෙලත් සූබින්ට කරපු වෙනස්කම් තරම් මිචෙල් දරුණු නෑ. සූබින් වුනත් ඒක තේරුම් අරන් හිටියා. සූබින්ට අසාධාරනයක් නොවෙන විදියට හැමදේම බලාගන්න මන් හැමවෙලේම උත්සහ ගත්තා.