The White Cat's Divine Scratching Post ⟨⟨ Myanmar Translation ⟩⟩

~ အခန်း ၃၃ ~ အပြင်ထွက်ခြင်း

{ UNICODE }

အနှီအမွေးလုံးလေးမှာ သူ၏ရှစ်ဇွင်းဖြစ်နေပြီကို မေ့သွားသည်ဖြစ်ပြီး နောက်နောင်လည်း သူကြိုက်နှစ်သက်သလို နမ်းချင်တိုင်း နမ်းလို့ရတော့မည်မဟုတ်ပါပေ။

~~~~~

ကျားကြီးသည် လက်မခံနိုင်စွာပင် သူ့ရှစ်ဇွင်း၏ ခြေထောက်အား ခါရမ်းလိုက်ပြန်သည်။

" ကျွန်တော့်ကိုလည်း သွားခွင့်ပေးပါ ၊ ရှစ်ဇွင်းနဲ့ ရှစ်တိက စွန့်စားရမှာကို နားမလည်ပါဘူး "

သူ တကယ်ပင် ထိုအကြောင်းကို တွေးမိလိုက်သည့်အခါတွင် ... ယခုထွက်လာသည့် ဒီနှစ်ယောက်တွင် ၊ တစ်ယောက်မှာ အခြေတည်အဆင့်အား ရောက်ရှိပြီးစဖြစ်ပြီး ၊ နောက်တစ်ယောက်၏ဝိညာဥ်မှာလည်း မပြည့်စုံ‌သေးပင် ... သူကျိန်းသေ စိုးရိမ်ရပါသည်။

မော့ထျန်းလျောင်သည် ကျားကြီး၏ ဟိန်းသံနှင့် အော်သံများသာ ကြားရပြီး တစ်မျိုးတစ်ဖုံ ထူးဆန်းပေ၏။

" သူ ဘာတွေပြောနေတာလဲ? "

သူအရင်က တွေးမိသည်မှာ ထိုကျားသည် ရှစ်ဇွင်း၏ မိစ္ဆာသားရဲဖြစ်လိမ့်မည်ဟုပင် ၊ ယခုမူ ရှစ်ဇွင်းသည် သူ၏မော့ရှောင်းကျောက်သာဖြစ်ကြောင်း သိလိုက်လေပြီ။ မိစ္ဆာသားရဲဖြစ်သည့်အလျောက် တခြားမိစ္ဆာသားရဲနှင့် သွေးစာချုပ်ချုပ်ရန်မှာ ပင်ကိုအားဖြင့် မဖြစ်နိုင်ပေ။ မော့ထျန်းလျောင်သည် သူ၏မျက်လုံးများကို မှေးလိုက်ပြီးနောက် ထိုကျား၏ခေါင်းကိုပုတ်ရန် သူ၏လက်ကိုမြှောက်လိုက်သည်။

ချင်းထုံမှာ ခေတ္တမျှ တိတ်ဆိတ်သွားပြီးနောက် ပြောလိုက်သည်။

" သူလည်း လိုက်လိမ့်မယ် "

" အဲဒါကြီးက ဘယ်လိုလုပ် အလုပ်ဖြစ်မလဲ။ သူက သွေးစာချုပ်မပါတဲ့ အဆင့်မြင့်မိစ္ဆာသားရဲလေ "

မော့ထျန်းလျောင် သူ့ခေါင်းအား တွင်တွင်ခါရမ်းလိုက်သည်။ အဆင့်မြင့် မိစ္ဆာသားရဲများသည် အဆင့်မြင့်ကျင့်ကြံသူများအတွက် အမြဲတစေ ရုန်းကန်ကြသောအရာတစ်ခုပင်။ အကယ်၍သာ သူတို့က အနှီကျားသတ္တဝါကို အပြင်‌ခေါ်သွားခဲ့လျှင် သူ၏မပြီးစီးသေးသော နတ်လက်နတ်ထက် မငယ်သည့်ရန်သူများ သတိထားမိစေမည့် ပစ်မှတ်တစ်ခု ဖြစ်စေလိမ့်မည်။