The White Cat's Divine Scratching Post ⟨⟨ Myanmar Translation ⟩⟩

~ အခန်း ၂၆ ~ တံခါးပိတ်ကျင့်ကြံခြင်း

{ UNICODE }

မင်ရည်ကဲ့သို့ နက်မှောင်နေသော သူ၏ဆံပင်မှာ ယခုတွင်မူ အဖြူရောင်သို့ ပြောင်းလို့နေ၏!

~~~~~

မော့ထျန်းလျောင်မှာ စူးစမ်းစွာဖြင့် အနှီကျားသားမွေးခင်းကြီးကို စိုက်ကြည့်လိုက်သည်။ ယင်းသတ္တဝါကြီးတွင် သိဒ္ဓိစွမ်းအင်များနှင့် ဇီဝဓာတ်များမှာ ပြည့်ဝနေလျက်။ ထို့ကြောင့်ပင် အနှီသတ္တဝါကြီးမှာ အဆင့်မြင့်သည့် မိစ္ဆာသားရဲတစ်ကောင်ပင် ဖြစ်ရမည်။

" ဘာလဲ? "

ချင်းထုံက စာအုပ်ကိုချလိုက်ပြီး ခြေထောက်တို့ကို လှုပ်ရှားလိုက်၍ ထိုကျားကြီး၏ အမွေးပွခေါင်းပေါ်တင်လိုက်ပြီး ဖိချလိုက်၏။

မော့ထျန်းလျောင်မှာ သတိပြန်လည်လာပြီး ဘေးဘီကို လျှောက်ကြည့်လိုက်၏။ ပုန်းနေနိုင်ပေသည့် ရှစ်ရှုန်းဟုဝေးစွ ဆံချည်တစ်မျှင်ပေ သူမတွေ့ ၊ ရှစ်စွင်းကိုလည်း မမေးရဲပေ ၊ ရှစ်စွင်းအား လာတွေ့သည်လည်း မဟုတ်တန်၍ အခြားတစ်ယောက်ကို သွားရှာခြင်းသည်လည်း ဖြစ်နိုင်ပေသည်။ သူ့တွင် ရွေးချယ်စရာမရှိတော့သည့်အလား အိတ်ကပ်ထဲမှ ကျောက်စိမ်းသေတ္တာကိုထုတ်၍။

" ဒါက ရှုစ်ရှုန်း ခရီးသွားနေတဲ့အချိန်တွင်းမှာ အပတ်တကုတ်ကြိုးစားရင်း ရလာတဲ့ ချီစွမ်းအင်စုစည်းတဲ့အသီးပါ။ ရှစ်စွင်းဆီ ယူလာပေးဖို့ ကျွန်တော့ဆီ အပ်ထားတာနဲ့ ယူလာတာပါ "

ကြမ်းပြင်ပေါ်တွင် လှဲလျောင်းနေသည့် ကျားကြီးက နားရွက်များကို လှုပ်လိုက်၏။ သူ၏ရှစ်တိမှာ အလွန်ပင်ကြင်နာတတ်သည်ဟု ကိုယ်ဘာသာကိုယ်ပင် တွေးနေလေရင်း မလှုပ်မယှက်ပင် ပြန်လှဲနေလိုက်ပြီး စိတ်ချလက်ချ ဖြစ်သွားတော့သည်။

ချင်းထုံမှာ လက်ကိုမြှောက်လိုက်ပြီး ကျောက်စိမ်းသေတ္တာအတွင်းမှ အထူးကောင်းမွန်လှသည့် ဝိညာဉ်စုစည်းတြိပိုးစားသီးကို ကောက်ယူလိုက်ပြီး ခြေမထိပ်ဖြင့် အောက်မှကျားသတ္တဝါ၏နားရွက်ကို ပုတ်လိုက်၏။