The White Cat's Divine Scratching Post ⟨⟨ Myanmar Translation ⟩⟩

~ အခန်း ၂၈ ~ မဟားတရားချောနေမှု

{ UNICODE }

ဘိုးဘေးများ ချမှတ်ခဲ့သည့် စည်းကမ်းများ : ရုပ်ဆိုးသည့်သူများကို လက်မခံရ

~~~~~

ဝေါ့ရွှမ်းနန်းမြိုင်ထဲတွင် ရွှမ်ကျီးကျန်းရန်သည် ရေကန်နံဘေးတွင် လက်နောက်ပစ်၍ရပ်နေပြီး ကောင်းကင်သို့တက်သွားသည့် အလင်းတန်းနှစ်ခုကို ကြည့်နေလိုက်သည်။

" ဒီ ချင်းထုံရဲ့ တပည့်အသစ်က တကယ်ကို ထူးခြားတာပဲ ၊ တစ်နှစ်တောင်မရှိသေးဘဲ အခြေတည်အဆင့်ပြီးသွားတယ် "

" ဒီစူးရှတဲ့ဟာ‌တွေ ... ဘာအစွမ်းပါလိမ့် "

မြွေလိမ်တံတားပေါ်တွင် မတ်တတ်ရပ်နေသည့် ယွမ်ဟိုင်က ဖြည်းညင်းစွာပြောလိုက်သည်။

" အသေအချာပဲ ... အဲဒါ ကောင်းကင်ဘုံဒြပ်စင်စွမ်းအင် ပိုင်ဆိုင်ထားတဲ့သူထက်တောင် မြန်သေးတယ် "

ဟွားချင်းက လမ်းလျှောက်လာရင်းနှင့် ပြောလိုက်ပြီး ယွီလီအား တံတောင်ဖြင့်တွတ်လိုက်သည်။

" အာ ... ဟုတ်တာပေါ့ "

ယွီလီကပြန်ပြောလိုက်၏။

အနှီစကားသံများကို နားထောင်ပြီးနောက် ချန်းရှီးမှာ တိတ်တဆိတ်ပင် လက်သီးဆုပ်ထားမိ၏။ တစ်နှစ်တည်းနှင့် ချီသန့်စင်ခြင်းကို တတိယအဆင့်အထိ ရောက်ရှိသွားခဲ့၍ မိမိကိုယ်ကို ဥာဏ်ကြီးရှင် ထင်နေခဲ့မိသည်။ ဒီလို ဒြပ်စင်နှစ်ခုနဲ့ အမှိုက်လိုကောင်က အခြေခံအဆင့်တည်ဆောက်တဲ့အထိ ရောက်သွားလိမ့်မယ်လို့ ဘယ်သူကထင်မှာလဲ? ဘယ်လိုလုပ်ပြီး ဖြစ်နိုင်မှာတဲ့လဲ!? သူ၏အင်္ကျီလက်ထဲမှ အေးစက်စက် ကြွေပုလင်းကို စမ်းမိလိုက်ရင်း ချက်ချင်းပင် သဘောပေါက်သွားလေသည်။ ဟုတ်ပေသည် ၊ ဤသည်မှာ ရှစ်ရှုန်းပေးလိုက်သည့် လျှို့ဝှက်ဆေးကြောင့်ပင် ဖြစ်ရမည်။

ရှစ်ဇွင်းနှင့် ဆရာတူအစ်ကို၏ အကြည့်များကို တွေ့မြင်လိုက်ရင်း ချန်းရှီးမှာ ယခုညတွင်ပင် အနှီလျို့ဝှက်ဆေးကို သောက်သုံးလိုက်မည်ဟု ဆုံးဖြတ်လိုက်တော့သည်။ သူသည်လည်း အခြေတည်အဆင့်တည်ဆောက်ရာတွင် တိုးတက်မှုနှုန်းမြန်အောင် လုပ်ဆောင်ရပေတော့မည်။ ဒါမှသာ အနှီအတွင်းဆောင်တပည့်သည်လည်း ထိုဆေးကိုယူရန် တတ်နိုင်တော့မည်မဟုတ်‌ပေ။