The White Cat's Divine Scratching Post ⟨⟨ Myanmar Translation ⟩⟩

~အခန်း ၄~ ချင်းထုံ

{ Unicode }

မျက်စိရှေ့ရှိ သူ၏အလှကို မည်သူမျှ
မယှဉ်လေနိုင်

~~~~~

"ကျွန်တော့်နာမည် ချီဖန်း ပါ။ဂိုဏ်းချုပ်ပြီးရင် ဒုတိယမျိုးဆက်ဂိုဏ်းသား‌တွေထဲ အကြီးဆုံးပါ။ အကုန်လုံး ကျွန်တော့်ကို ရှစ်ရှုန်းလို့ခေါ်နိုင်ပါတယ်"

အနှီပျော်စရာကောင်းသည့် မိတ်ဆက်မှုအပြီးတွင်တော့ မျက်လုံးမှေးမှေးနှင့်အမျိုးသားက ဂိုဏ်းစည်းကမ်းများကို လမ်းလျှောက်ရင်း ဖတ်ပြလေသည်။

ဝေါ့ယွင်ဂိုဏ်းတည်ရှိသည့်တောင်ကို သုန်းထျန်းဖုတိ (ကောင်းကင်နန်းမြိုင်) ဟု‌ခေါ်လေသည်။ အနှီပိုင်နက်နယ်မြေအတွင်း ပင်မတောင်ထိပ်သုံးလုံးရှိ၍
နန်းမြိုင် ၇၂ခုရှိ‌၏။ တောင်အရှင် သုံးပါး ဖြစ်ကြသည့် အရှင် ရွှမ်ကျီး၊ အရှင်
ထျန်းလန် နှင့် အရှင် ချင်းထုံ တို့မှာ ဂိုဏ်းတွင် အဆင့်အမြင့်ဆုံးဖြစ်ကြ၍ ဆရာတူတပည့်များလည်းဖြစ်ကြလေသည်။ အရှင် ထျန်းလန် မှာ ဂိုဏ်းချုပ်ဖြစ်၍ ကိစ္စအများစုကို တာဝန်ယူရလေသည်။

ဒုတိယမျိုးဆက် ဂိုဏ်းသားများ သို့မဟုတ် ဂိုဏ်းသားအငယ်များက နန်းမြိုင် ၇၂ခုတွင်နေကြရပြီး တောင်သခင်သုံးဦး၏ တပည့်ရင်းများ သို့မဟုတ် ပထမမျိုးဆက် ဂိုဏ်းသားများက တောင်ထိပ်သုံးခုတွင် ၎င်းတို့၏ဆရာများနှင့် နေကြရလေသည်။
ထိုဂိုဏ်းသားတို့က နန်းမြိုင်အားလုံးကို ပတ်၍ အချိန်ရှိသရွေ့ စာသင်ဖို့ရန်သွားနေကြရလေ၏။

ချီဖန်းက ဂိုဏ်းချုပ်၏ပထမဆုံးတပည့်ဖြစ်သဖြင့် ဒုတိယမျိုးဆက်ဂိုဏ်းသားများအနက် အမြင့်ဆုံးနေရာကို ရထားလေသည်။ အသစ်ဝင်လာသည့်သူများမှာ တတိယမျိုးဆက်အဖြစ်သတ်မှတ်ထားသည်ဖြစ်၍ သူ့အား ရှစ်ရှုန်းဟု ခေါ်ခိုင်းခြင်းမှာ အလျှော့ပေးထားခြင်းသာ ဖြစ်သည်။ သို့သည်တိုင် ပထမမျိုးဆက်တပည့်ရင်းများက အမြဲဆိုသလိုပင် ရှိကြလေရာ မည်သူ့ပင်ဆိုစေကာမူ သူ့အနေနှင့်ကတော့ဖြင့် ထိုသူတို့အား ရှစ်ပေါ် ဟုသာ လေးစားသမှုဖြင့်ခေါ်လိမ့်မည်သာဖြစ်သည်။