Unicode
အချိန်သည် ညနေခင်း ၄နာရီခန့်ဖြစ်သည် ။
ဂျောင်ဂုသည် စာရွက်စာတမ်းများသိမ်းပြီး
ကုမ္ပဏီမှ ပြန်လာခဲ့သည် ။
" ဒါရိုက်တာ..အလုပ်ဆင်းတာစောတယ်နော်"
အပေါက်စောင့် လုံခြုံရေးက ပြောလာသည်မို့
ခေါင်းသာငြိမ့်ပြလိုက်ပြီး အသင့်စောင့်နေသည့် ကားပေါ်ကို တက်လိုက်သည် ။
" အိမ်တော်ကိုပဲ မောင်းပေးပါ.."
" သခင်လေး ဒီနေ့ ချိန်းထားတာ--"
" ကျွန်တော် ဒီပုံနဲ့ ဘယ်သွားလို့ ဖြစ်မှာလဲ..
အိမ်တော်ပြန်ပြီးမှ ပြန်ထွက်မှာ..ကဲပါ..
နောက်ကျနေမယ်..မောင်းပါ.."
ကားအနက်လေးသည် အိမ်တော်ဆီသို့
တရိပ်ရိပ်ပြေးလျက် ။ ထိုကားအနက်သည်
အိမ်တော်ထဲသို့ ဝင်သွားပြီး တစ်နာရီလောက်အကြာ အဖြူရောင်ကားတစ်စီးသည် အရှိန်
မှန်မှန်ဖြင့် ပြန်ထွက်သွားတော့သည် ။
ဂျောင်ဂုသည် အကြီးအကဲမှ ချိန်းထားသည့်
နေရာကို ရောက်သည့်အခါ ကားကို အဆင်ပြေအောင် ရပ်ခဲ့ပြီး ဝင်လာခဲ့သည် ။
လျှောက်လမ်းညိုညိုလေးက သူ့ကို ကြိုဆို
နေသယောင် ။ ထိုလျှောက်လမ်းအတိုင်း
လိုက်ခဲ့တော့ လမ်းအဆုံးမှာ အရိပ်ကောင်းကောင်းရသည့် အပင်ကြီးတစ်ပင်ရှိပြီး ထိုအပင်အောက်တွင် နှစ်သက်ဖွယ် ပြင်ဆင်ထားသည့် စားသောက်ပွဲ အသေးစားလေး ။ အပင်ကြီးကိုလည်း မီးရောင်စုံကြိုးများဖြင့် ရစ်ပတ်ကာ အလှဆင်ထားသည် ။
အဖြူရောင်တွေသာ သုံးထားသည့် စားသောက်ပွဲအသေးစားလေးနဲ့ ဆန့်ကျင်စွာ
အကြီးအကဲက တစ်ကိုယ်လုံး နက်ပြောင်နေသည် ။ စားသောက်ပွဲဆိုသည်မှာလည်း
ဟင်းပွဲများမဟုတ်ပဲ အချို့မုန့်များဖြင့်
ပြည့်နှက်နေသော ချစ်စဖွယ်စားပွဲလေးသာ
ဖြစ်သည် ။
ခြေချိတ်ထိုင်နေသော အကြီးအကဲက သူ့ကို
ထိုင်စောင့်နေမှန်း သိသာသည် ။ ငွေမှင်ရောင်
ဆံပင်တို့ကို ပုံသွင်းဖီးသင်ထားခြင်း မရှိပါပဲ
ဝဲချထားတာကြောင့် မြင်နေကျပုံစံများနဲ့ ကွဲလွဲနေသည် ၊ တစ်မျိုးတော့ ဆန်းသားပဲ။
YOU ARE READING
Escape From The Oblivion
Fiksi Penggemar[Completed] PJM × JJK Don't try to remember about the chaotic past, just sleep in the Oblivion.
