𝗛𝗮𝗽𝗽𝗶𝗲𝗿 [ 규진 ] COMPLETED

24 Unicode

[ KoKo is the best ]

ကားပါကင်ကနေ Gyuvin မိဘတွေရဲ့ ကားလေးထွက်သွားတဲ့ အထိ ရပ်ပြီး နှုတ်ဆက်ခဲ့ကြပြီးတဲ့နောက်မှာတော့ Yujin နဲ့ Gyuvin နဲ့ အတူတူ သူတို့ရဲ့ ကားရှိရာဆီကို ပြန်လာခဲ့ကြသည် . ငြိမ်ငြိမ်လေးဖြစ်နေတဲ့ Yujin ဟာ ပြောင်းလဲသွားတဲ့ အခြေအနေမှာလည်း အသားမကျသေးတဲ့ ပုံပင် .

" မာမီက ကိုယ်တို့ကလေးလေးကို ချစ်ပါတယ်လို့ ကိုယ်ပြောသားပဲ ယုံပြီမလား အခု "

Yujin က ဘေးချင်းယှဉ် လျှောက်နေသော ကိုကို့အား တစ်ချက်သာကြည့်လိုက်ပြီး ဦးစွာပင် ကားထဲသို့ ဝင်ထိုင်နေလိုက်သည် . Gyuvin လည်း နေရာတကျ ဝင်ထိုင်ပြီးတဲ့နောက် Yujin နားကပ်ကာ ကားခါးပတ်ကိုပါ သေချာဝတ်ပေးပြန်တော့ Yujin မှာ ကိုယ်လေးကို ကျုံ့လျက်သားနဲ့ ကိုကို့ရဲ့ ကိုယ်သင်းနံ့မွှေးမွှေးလေးဟာ နှာခေါင်းလုံးလုံးလေးတစ်ဝိုက် ဝေ့ဝဲနေတာကို သတိထားမိတယ် .

" အခုပြန်ကြမယ် . ဒီည Hotel မပြန်တော့ပဲ ကိုယ့်အိမ်ပဲ လိုက်ခဲ့ပါလား "

" ဟင် Hyung ကရော "

Gyuvin ဟာ နှာခေါင်းတစ်ချက်ရှုံ့လိုက်ရင်း Yujin ရဲ့ ပါးနုနုလေးတွေကိုလည်း လှမ်းဆွဲညှစ်သေးသည်

" Hanbin Hyung က Hotel ရော ပြန်လာလို့လား တစ်ချိန်လုံး သူများအကိုနား သွားကပ်နေတာလေ "

" ဒါဆို ကိုကိုလည်း ကျွန်တော့်နား ကပ်နေတာပဲလေ "

အကိုကို ထိတော့ ချက်ချင်းပင် ခပ်စွာစွာလေးဖြစ်သွားသော Yujin ကိုလည်း Gyuvin မှာ သဘောတကျနဲ့ ချစ်ရပါသည် .

" မတူဘူးလေ Hanbin hyung က hotel မှာမရှိတော့ ကိုယ်က မင်းကို အဖော်လုပ်ပေးတာလေ "

" ဒါဆို ကိုကိုက ကျွန်တော့်နားနေချင်လို့မဟုတ်ဘူးပေါ့ "

" ဟာ မဟုတ်ဘူး "

ချက်ချင်းပင် Gyuvin မှာ ဖြေရှင်းချက်ပေးရင်း ကားမှန်ဘက်လှည့်ကာ မျက်နှာလွှဲသွားသော Yujin နားကပ်လို့ မျက်နှာချင်းဆိုင်လာရန်ပင် ကြိုးပမ်းရတော့သည် .

" ကိုကိုက ဒီတိုင်းစလိုက်တာလေကွာ သိရဲ့သားနဲ့ အတူတူရှိတဲ့ ရက်က ခဏလေးကို စိတ်မကောက်ပါနဲ့ နော် နော် နော် "