𝗛𝗮𝗽𝗽𝗶𝗲𝗿 [ 규진 ] COMPLETED

11 Unicode

[ ပထမအကြိမ် ]

" Gyuvin နဲ့ အပြင်သွားမလို့ဆို "

အိမ်ပေါ်ထပ်မှဆင်းလာနေရင်းမှ အကိုဖြစ်သူ Hanbin ရဲ့ အပြောကြောင့် Yujinခြေလှမ်းလေးများတန့်သွားကာ Hanbin ရှိရာ ဧည့်ခန်းသို့ဦးတည်လိုက်သည် .

" ကိုယ့်ဘာသာသွားလည်းရတာကို အဲ့အကိုက အတင်းလိုက်မယ်ပြောနေတာ "

" Gyuvin က Yujin ကိုချစ်လို့ပါ . သူ့မှာ သွေးသားရင်းကလည်းမရှိတော့ Hyung ရဲ့ ဒီညီလေးကို လာချစ်နေတာ "

Hanbin ကတော့ ရိုးရိုးသားသားပြောနေသည်လား မသိပေမယ့် Yujin ကတော့ မလုံမလဲဖြစ်မိပါသည် . ရယူလက်ခံမိနေတဲ့ အနမ်းတိုင်း ခံစားချက်တိုင်းက ရိုးသားပါရဲ့လားဆိုတဲ့ အတွေးလေးဝင်လာပြန်တိုင်း မရိုးသားစေချင်တော့ပါ . လောဘသေးသေးလေးက Gyuvin အပေါ်ကိုစတင်လာကတည်းက Yujin ကိုယ့်ကိုယ်ကိုယ်လည်း စိတ်ဆိုးမိပါသည် .

" Hyung "

" အင်း Yujin "

" အကို Gyuvin နဲ့တွဲတာမျိုးဆို Hyung လက်ခံနိုင်လား "

လုပ်လက်စ စာရင်းတွေကိုပင် အာရုံမစိုက်အားတော့ပဲ Yujin ရဲ့ ထိုစကားကြောင့် ခါးပင်မတ်သွားရတော့​၏ .

" ဘာလို့လဲ Yujin . Gyuvin ဘက်က အဲ့လို အပြုအမူမျိုးတွေရှိလို့လား "

Yujin အကိုဖြစ်သူကို ရိုလည်းရိုသေသလို ကြောက်လည်းကြောက်မိသေးသည် . ဒါမျိုးကိုမပြောရဲပေမယ့် ပြောမှပဲ စိတ်ထဲသက်သာရာရမလားဆိူတာလည်း မသိနိုင်တာမို့ .

" အင်း "

Hanbin ဆီက စိတ်ထဲဘယ်လိုခံစားသွားရသည်မသိ သက်ပြင်းချသံကို ကြားလိုက်ရသည် .

" Hyung လည်း သတိတော့ထားမိပါတယ် . Yujin ကရော Yujin က သဘောကျတယ် လက်ခံချင်တယ်ဆိုလည်း Hyung နဲ့ ဒီမိသားစုက ငြင်းစရာမရှိတာ Yujin သိတယ်မို့လား "

" အင်း "

" hyung တို့က Yujin ဘက်မှာအမြဲရှိနေပေးသလိုမျိုး Gyuvin ခံစားချက်ဘက်မှာ သူ့မိသားစုက ရှိနိုင်ပါ့မလားပဲ Hyung စိတ်ပူတာ "

" ... "

" Hyung ပြောချင်တာကို နားလည်လား "

" ဟုတ် "