# عقاب
الكاتبه ملاك
لا تنسوون التصوويت 💕
ــــــــــــــــــــــــــــــــــــــــــــــــــــــــــ
هلي موش بهلا الينگاد خسران،،
هلي أكثر من زعلكم گلبي تعبان
ــــــــــــــــــــــــــــــــــــــــــــــــــــــــــــــ
فناء : ـ
من حچه ألشبخ حسيت ألسماء طاحت عـ رأسي
وفلقت رأسي نصين،
ألشيخ: ـ بويه أجو عمامج وخوالج
وجماعه من ألناس ألخيره طبت بالسالفه
من طرف ألولد عقاب
وصلنه لأتفاق يعقد عليج عقد سيد وياخذج لبيته
حته نضمن أخوتج ميتعرضونج بعد وصيرين حلاله عـ سنة الله ورسوله،،
وهنا نگدر نسد حلوك ألناس ونلم ألفيضحه
هذا جان قرارهم الجايين بيه
طبعاً انا اعترضت وكلت ألابنيه مالها ذنب بالصار
بس أخوتج و ولد عمج أضاهر قافلين يابويه،
وانا شاهد الله ورسوله كلت ألهم الابنيه تضل عندي كل ألعمر معززه مكرمه،
بس اعترضو ألكل وكالو احسن حل حته نضمن سلامتها ونسد ألسالفه حته ليصير شي
وهمين نخاف باچر لا يتعرضون للولد وصير الطلابه طلابتين
والله يابويه لو بيدي شيء اسويه ما أقصر
بس هذا أحسن حل !!
أحس بركان أنفجر بكل جسمي وطشره الى أجزاء صغيره حسيت روحي طلعت وصعدت للسماء ألسابعه،
حچه ألشيخ ألعنده وطلع
وأني ضليت صافنه بالفراغ، وعيوني حسيت الدمع صعد وطغى عـ البؤبأ مالها وعماها
نزلت جوه القنفه بالگاع عـ ركاباتي لفيت ألشال بثنين أديه وخليته بحلگي وكتمت صرختي عن الناس ألموجوده بالبيت وشهكت بوجع حست گلبي طلع من مكانه،،
رفعت راسي خليته عـ القنفه وضليت أباوع للسگف مال ألغرفه ولزمتني رجفه خلت جسمي كله ينفض وألهواء حسيته راح من الغرفه كلها
ضليت مثل الغرگان ويريد يطلع يشم الهواء
ومايگدر ...
حسيت أيد ألحجيه أم ألشيخ عـ راسي تمسح عليه
وتقرأ البسمله وصلي على محمد،
: ـ أبجي يمه أبجي زين ألج لا ضل حسره بگلبج
وتنهضمين،
خليت راسي عـ رجليها من يم الفخذ
وأطلق ألعنان لدموعي وصرخاتي احس صرخات گلبي اذا يوگعن عـ جبل يهدنه
حجيت بصوت محتقن
: ـ بـ بيبي و وين بابا ليش ماأجه وياهم ليش
ليش ماسمع مني ليش خله رئيي ألناس أهم مني!؟
ليشششش
ليييشش بابا ليييشش لا أنتَ ولا أمي ليييش يوومم مو أني بنتج ترباتج هذا ضنكم بيييه؟
اخذتي بحضنها وضلت تردد المعوذتين عـ راسي
وتدعي وتسمي بأسم الله
سكت والشهكه لازمه بلعومي، وعيوني حمر وخشمي
نايمه عـ رجلها وتمسح عـ راسي واسولف
: ـ اسمعي زين مني مهما قست ألضروف عليج
نامي مضلومه ولا ولاضالمه يبنيتي ،،،
لأن ربج مايضيع حك بنادم انضلم
