#عقاب
الكاتبه ملاك
لاتنسون التصوييتت بنات 💕
ألناصريه الساعه 11:30 صباحآ
دخلت للبيت حيلي مهدود وألدمعه بعيني أحس ألدنيا كلها ضلمه شافتني أمي اجت بوستني وتسأل هزيت راسي وفتت لغرفتي دخلت وراي
يمه فناء :
: ـ شسويتو أنتي وأبوج شصار درت وجهي ألها ونزلت ألدمعه ألمعكله بعيني وكعت وياها للكاع اجتني أمي تركض لمتني بحضنها وتهدأ بيه وأصبر عليه.
فناء: ـ ماما أريد اموت يوم مشفتي شلون وگف كبال القاضي وطلگني ولاعبالك أني موجوده يمه كسر كلبي يمه كسرني منتظر كسرني الله ياخذه الله يعيشه حركت گلبي وكسرتي
: ـ كافي يوم لتدعين ربج موجود وياخذ حقج أنتِ انضلمتي وياه وحاولتي وياه شنو ذنبج اذا ميصيرون عندج جهال هذا الشي بيد رب العالمين موبيدج بنيتي كافي بعدج صغيره والف واحد يتمناج كافي امي أنتِ كافي
ضلت تمسح على رأسي وتهدأ بيه الى أن هدأت وخرت من حضنها مسحت دموعي وكمت دخلت للحمام غسلت وتوضيت طلعت لكيتها واكفه گالت صلي على مااحضر الغده هزيت راسي بـ اي،، وفرشت سجادتي وصليت وي كل ركعه تنزل دمعتي واشهك،،
الى ان كملت صلاه ونزلت يمهم لكيت أبويه وأخواني ثنيهنم كاعدين على ألسفره وزوجة اخوي بيت اهلها
تقرب اخوي سوالي مجال يمه كعدت ماأشتهي، حيلي مهدود أكلت شويه وكمت فتت لغرفتي تمددت وغفيت
كعدت ألمغرب امي تكعد بيه،
:ـ كومي فناء دنيا ألمغرب ميصلح تنامين بهيج وقت!
شغلت ألضوء وطلعت وأني فتحت عيوني وضليت متمده بفراشي صافنه وهادئه حيل من برا،، لاكن داخلي حرب!
كفيت ألغطى وكمت نزلت لكيت أبويه يتوضى بالطلعه مال الحمام رحت فتحت باب الرئيسي ومديت راسي اباوع جان دنيا المغرب وناس قليله بشارع جاي ترجع لبيوتها
دخلت صلينه وتعشينه وضلينه گاعدين بالأستقبال نشاهد مسلسل وچنه كلنه ساكتين
كسر صمتنه أبويه من حجه
بابا :فناء
:ـ أنتي انسانه مؤمنه وفاهمه ومو صغيره الله سبحانه وتعالى يجوز جاي يختبر أيمانج وثقتج بيه
لذالك أريدج تكونين قويه وتنسين ألماضي من،
هـ لحضه هذا بعد قسمتج وياه أنتِ متكدرين تغيرين ألواقع،،
جهال ميصير عدكم وأنتِ موذنبج ومثل هيج شخص مااندم عليه لأن مادام عافج على حساب وحده ثانيه! هذا مورجال وتندم عليه،،
جنت مركزه بكل كلمه يحجيها وعيوني جان يطلع منها نار معقوله هيج تخلى عني بعد عشره،، سنين
وليش لأن ميصير عندي جهال زين أني شنو ذنبي من
خطيبته شرطت عليه يطلگني يلا يتزوجون!!
