السلام عليكم
مهم
بنات جهازي احترك وراحت حساباتي بيه كلها وهذا سبب تاخري عليكم حيل اعتذر منكم
وشكد حاوت ارجعها مارجعت اخر شي البارحه ذكرولي واحد بالسوك يرجع بفلوس فأني مترددت ورحت عليه وبصعوبه يلا رجعها والبارحه يلا رجعن وبلشت اكتب وحيل اعتذر منكم لأن اتأخرت عليكم هشكل ماجان اكو وسيله اوصل بيها الكم والحمد الله رجعت الحساب ورجعت القصه هواي مشتاقتلكم وهواي احبكم وشفت كل تعليقاتكم وأنتم قلقين عليهقرأه ممتعه ♥
# عقاب
الكــاتــبه مــلاك.
بنات تصويت وتعليق احبنكم ♥
ــــــــــــــــــــــــــــــــــــــــــــــــــــــــوين ادورك ؟
والدروب الماخذتك ،
صلفة مثلك ما تجيبك .ــــــــــــــــــــــــــــــــــــــــــــــــــــــــــ
فاطمه:
بعد كل الي صار وياي رجع رحيم مرت الثانيه يحاول يعتدي عليه وامي كل العاده ماصدكت حاولت انهزم من البيت مقفول النهار كله عليه وأمي ماتطلع لمن يجي رحيم احمد حاول يدز اخته عليه بس امي مادخلتها لبيت طردتها من الباب وضعي تأزم لا اندل عمامي لو اعرفهم وانهزم الهم يخلصوني من هذا الوحش ولا الشرطه سوت حل اليه محد تدخل بقضيتي بكل طريقه حاولت اخلص ماكدرت
شكلي تغير صرت نحيله حيل وسواد داير ؏ عيوني اريد امي مره وحده تسمعني وتوكف وياي ماكو
كعدت الصبح ؏ وكت طلعت من غرفتي غسلت وفتت للمطبخ اكلي شي لأن البارحه نمت بدون اكل كعدت روحي رايحه
لمحت موبايل أمي ؏ الكاونتر رحت لزمته شسوي هسه طلعت رقم ميار وأتصلت عليها جاوبتني بعد رنه طويله بصوتها نعاس مبينه كعدتها تفاجأت بيه يمكن لأن مختفيه؟ لو لأن اتصلت بهيج وكت مبكر؟: ـ الو
: ـ ميار أني فاطمه
: ـ فاطمه!!
: ـ اي شلونج؟
: ـ ولج وينج نشلع گلبي عليج وين مختفي لاخبر لا علم
: ـ مريضه حيل وجهاز ماعندي
: ـ عمري عندج العافيه شنو شبيج
: ـ بعدين احجيلج سامر شلونه؟
: ـ ها يول اشو تسألين ؏ سامر
: ـ اي ميار كليله فاطمه موافقه ؏ الزواج
: ـ لججج صددكك ياربي هسه اروح ابشره واليوم نجيكم
: ـ ماشي بعد مااكدر احجي بسلامه
سديت الخط وي سدت الخط سديت عيوني نزلن دموعي وياهن خلص لازم احافظ ؏ شرفي من هذا الوحش لازم ابتعد بعد مالي احد بهذا البيت،، أحمد اله الله يصبره وينسيه اني تعبت مالي وياه قسمه خلص اخليه ذكرى حلوه مرت بحياتي نسمه بارده تلفحني بنسيم الصيف الحار