# عقاب
الكــاتبه مــلاك.
لاتنسوون التصويت وتعليق بنات احبنكم ♥
ــــــــــــــــــــــــــــــــــــــــــــــــــــــ
ميار:
بعد مااجه إتصال لـ أيــهم طفر من مكانه مرعوب ويصيح
: ـ عمي شبيييههه ويينن هسه هووو بيالمستشفى بسررعه اييي ايي
شمر الموبايل ويضل يدور حول نفسه يريد يلبس تشريت يدور وماكو واني افتر وياه ومااعرف شسوي
: ـ أيــهم اهدأ شكو شكو شبيه عموو شبيه
وهوّ يلبس يحجي بملابسه يحجي
: ـ ولج حادث حادث مسوي بسيارته مگلوب وحالته خطرره ميار
: ـ يمه عزززااا يمه صخام
لبس ويريد يطلع واني وياه اركض التفت عليه وكال
: ـ عقاب وينه خلي اخابر عليه ويننه هذا التبن الجهاز
: ـ هذا هذا بيدك جهازك شبيك يمه سوده عليه يمه
نزل يركض ؏ الدرج سواه خطوتين واني وراه وهوّ يخابر بعقاب بعد مارن عليه هوااي يلا جاوب وهو يحجي التفت عليه وكال:
: ـ ادخلي ؏ ابوي كليلة
دخلت وهوّ صعد سيارته وراح طاير خفت عليه هوّ الثاني ليصير شي عليه،، دخلت ؏ البيت لكيت أخو أيــهم كاعد يكلي بالمطبخ تفاجأ بيه
: ـ ميار شبيج؟!
: ـ ولك عمو نائل مسوي حادث وخطر بالمستشفى
احجي واضرب ؏ خدودي وهوّ فتح عينه وركض للغرفة مال ابوه دك الباب طلعت عمتي كالها ضلت تلطم وعمي ضرغام كعد وصارت هوسه بالبيت سألني عن أيــهم كتلهم راح ضل عمي يلطم ويدك ؏ راسه ويكول
: ـ شكل للحجي هسه وشكل لـ أمي شلون اكلهم كل يوم صدمه ياربي رحمتك
طلع واحنى طلعنه وراه لكينه جدي وبيبي واصلهم خبر والبيت مخبوص
اخذو جدي لأن ماقبل يبقى وراحو المستشفى بيبي بقت تدك وتلطم واحنى كلنه وياها واخابر ؏ أيــهم مايرد نشلعت كلوبنه قرب الصبح وخبر ماكو منهم اخر شي ابوي جاوب ماما وكلها فاقد الوعي الضربه صايره براسه وحالياً بالعنايه المركز ومنتظرين تقارير الدكتور شنو يكول حتى ينقلوه لمستشفى ثاني أهلي حتى يسوون اللازم،،
اله بيبي ابد ماسكتت لمن صار الصبح
جابو جدي وعمي ضرغام وبابا رجعو دخلو علينه واحنى فزينه ركض عليهم نريد نعرف الوضع
شرحو وضعه وكالو مضروب براسه وسبب الحادث فاكس عنده البريك ومكلوبه السياره بيه والسياره متدمره زين وطلع عدل منها
بس الدكاتره منطيهم أمل بوضعه وضلين ؏ هذا الأمل،،، جدي متخربط وصاعد ضغطه الوضع حيل متأزم
