# عقاب
الكاتبــه مـــلاك،
لا تنسوون التصويت بنات وتعليق حلو مثلكم احبنكم 💕
الجميع يتخذون الطريق
نفسه، الجميع يذهبون .
صباح جديد يوم جديد "
ميار:
دخلنه للمحكه أني وعمي عقاب وأيهم ونائل وچان صفاء حاضر هوه واخوه ،، بعد فتره من الزمن استدعاني القاضي دخلت عليه وياي عمي عقاب
اسألني شكم سؤال مااحب اذكرهن،،
صفاء چان الندم واضح عـ وجهه اخر فتره تواصلت وياه وهواي توسل بيه انو ننطي زواجنه فرصه بس أني ماقبلت وطلبت منه يحضر للمحكمه وننفصل بدون مشاكل وافق بعد معانات طويله أما أني بعد مستحيل تجمعنه غرفه وحده أني وياه طلع من نفسي ابد بعد ماله رجعه لگلبي ولروحي هذا الانسان حطمني بفعلته هذه
بعد مادخل هوه سأله القاضي عدة اسأله طلعنه من غرفة القاضي محرمين عـ بعض غربه عـ بعض ذاك الحبيب القريب اصبح البعيد الغريب الجان اقربهم كلهم اصبح ابعد شخص عليه الي وگفت بوجه أهلي عـ حسابه خذلني وخذل حبي اله
طلعت من المحكمه وي العمام صعدنه بالسيارة چان نائل يسوق وعقاب گاعد بصفه وأني وأيهم بالاخير درت وجهي للجامه مال السياره چانت الدنيا تمطر مطر خفيف وترعد رعد ايضاً خفيف،، عكس دگات گلبي الترعد وصواعق روحي الِتهزم الاطرش
منظر الناس والمطر والشارع اثار بداخلي عبره غمضت عيني بهدوء فرت دمعه هاربه من عيني چانت سجينه بين الرموش،، دنگت افتح الجنطه اخذ المنديل،،
أمتددت ايد الي رفعت راسي أيهم بيده منديل قدمه الي اخذته منه وباوعت بيه،، عينه بعيده عني مايباوع بوجهي اشلون شافني ابجي ضنيت محد لاحظ هذا الشي؟ لكن أيهم هيهات يغفل عني اعرف بيه.
نحرف نائل عن مسار طريق الرجعه للبيت
عقاب: ـ وين رايح نائل للبيت يمعود تعبان
نائل: ـ خلي نتغده ونغدي ميار تعبت
عقاب: ـ چا اطلع عـ مطعم ...... طيب اكلهم دائماً اشتري منهم،
وصلنه للمطعم
دخلنه جان حيل حلو التصميم فتنه جوه طلبنه طاوله كلنه عليها وطلبنه اكل كلمن رغبته وبلشنه ناكل اقصد بلشو ياكلون لأن أني احس جاي امضق الأكل ومااحس بطعمه ابد گلبي احسه مزوف من كل النواحي،،
ايهم ملاحظ كل حركاتي لأن بين فتره وفتره اخزره اشوفه مراقبني ومن اباوعله ينهزم بعيونه عني،، أيهم تحدد موعد خطوبته بعد شكم يوم يعقد عـ بنت خالته فاتن، فاتن تجي بعمري وحيل حلوه وحبابه واتوقع زوجة. عمي ختارتها لأن تليق بـ أيهم أيهم شخصيه وسامه وكارزمه وتليق بيه الرتبه والمنطب.
بعد فتره قصيره گمت للمغاسل اغسل
عقاب: ـ عمو مااكلتي
: ـ الحمد الله عمو شبعت
