# عقاب
الكاتبه ملاك،
لا تنسوون التصويت بنات احبكم💕
ـــــــــــــــــــــــــــــــــــــــــــــــــــــــــــــــ
وصوت النواعي يلوحني ويلتم بإديه
الصوت بيه ريحة عيوني
وبيه هلي وحشه ومسيه
هلي يا من ضيعوني
عريان السيد خلف
ـــــــــــــــــــــــــــــــــــــــــــــــــــــــــــــــ
صفنت بوجهاا سؤالها اربكني ودخلني دوامه
بين الحيره والتردد،،
وضيعاع الجواب مني
لملمت ماتبقى من حروف وجاوبت،
فناء: ـ ءاء مـ منو قصدج ههه أكيد لاء
ميار: ـ وشبيج نخطف لونج تره مجرد سؤال عادي
مجرد سؤال عادي عندج أنتي اما أني هذا السؤال بالذات اهرب منه حته بيني وبين نفسي،،
أني نفسي أخاف اسأل نفسي واتهرب حته من نفسي أخاف اجاوب جواب يلجم جروحي البعدهن رطبات وماطابن،
ولا لگيت اليخلي الضماد عليهن ويطيبهن ضلن مكسورات هنه وخاطري ".
فناء: ـ أء لازم اروح خاف يريد شي
ميار: ـ براحتج حبيبتي
أنهزمت منها ماأدري من نفسي؟
دخلت للبيت چانو گاعدين مكملين ريوگ وجاي يسولفون،
فناء: ـ صباح الخير
صباح النور
هذا چان ردهم اثنينهم
طبعآ رسل بيني وبينها بس السلام
عقاب : ـ وين موبايلج أتصل عليج ماكو
فناء : ـ هنا عفته ورحت يم بيت ابو لؤي
عقاب : ـ شفتي حمامتج؟
ميار: ـ اي انطيتها أكل ومشيت ليش شبيها
عقاب : ـ لا مابيه بس أسألج
التفت عليه رسل
رسل: ـ أيععع هنا حمام بيتنه شنو مطيرچيه شجاك عقاب؟؟
عقاب : ـ وين المشكله مجرد طير حلو وشبيها،
رسل : ـ ولا أحب هيج امور عقاب طيرها مااريدها بالبيت عفيه صير ريحه كريهه
عقاب: ـ چو مابيه شي هيه وحده ما تأثر
رسل : ـ يااا شجاك حبيبي عود هذا انتَ هيج تتصرف
فناء: ـ تره هيه طير أليف هذا مكانه الصحيح عادي الناس كلها عدها
رسل: ـ أنتييي ما موجههه الكلام الججج فاهمه جاي أحجي وي عقاب
عقاب : ـ ررسسل شبيج ماحچيت شي فناء ليش صيحين،
رسل: ـ لااا ودافع الها بعد
عقاب: ـ اششش شبيج
گامت عافت ألمكان ودخلت لـ غرفتها وضربت ألباب بقوه
نزيت
ضليت بوگفتي التفت عـ عقاب وحچيت:
فناء: ـ أني ما ما قصدي شـ
قاطعني صوته
عقاب: ـ خلص أنسي ماصار شي
گعد ورث جگاره وشمر الباكيت والجداحه عـ الميز
ورجع ضهره عـ الكرسي
وضل يحرگ جگاير
عفته ودخلت للغرفه
