# عقاب
الكاتبــه مــلاك،
بنات تصويت وتعليق بين الفقرات 🥀
ــــــــــــــــــــــــــــــــــــــــــــــــــــــــــــــــ
أنهُ حُب عمري الذي اهداني كُل هذا الخرآب
ـــــــــــــــــــــــــــــــــــــــــــــــــــــــــــــــــــ
أيــهم :
طبگ السياره ونزل فتحلي الباب نزلت ركض جوه الشارع وگعدت تقيأت طلعت روحي أجاني هوّ جاب بطل ماي بيده وگف ؏ راسي وحچه:
: ـ هاچ
رفعت راسي اله واخذت البطل غسلت وجهي عرگت وجهي عرگ وگفت ؏ طولي روحي رايحه وهوّ واگف ؏ جهه
: ـ ها صرتي زينه
هزيت راسي بـ اي بدون مااحچي
: ـ شربي ماي
باوعت بيه شفت الخوف بعيونه ... فتحت البطل وشربت
: ـ گعدي ارتاحي شوي لتصعدين السياره
: ـ چؤ خلي نروح ...
: ـ گعدي ارتاحي ...
مشيت خطوه
لزمني من ايــدي حسيت بگلبه حرگه
حچه:
: ـ دوم ضليتي بهذا عنادج!!!
: ـ شتريد مني ها شتريد
أيــهم: ـ أنتِ شتريدين أنتِ شتريدين ياميار موكافي السويتيه بيه!!
: ـ وأنتَ شنو دخلك بحياتي شنو اخوي أبوي
: ـ لج اسكتيي ... دوم مستصغرتني أنتِ دوم ...
: ـ خليك بحالك ومعليك بيه فاهم
وعفته ومشيت صعدت السياره وهوّ ضل واگف صافن بالفراغ تمنيت بهذه اللحظه اجي واحضنه واشمر همي كله يمه واخلي راسي ؏ صدره واگله روحي ماادري شبيها ماادري شتريد …؟ ليش حچيت وياه بكل هذا الجفاء شنو السبب يمكن لأن متجاهلني كل هذه الفتره يمكن لأن هواي حاولت احچي وياه ومنطاني فرصه يمكن لأن مشلوع گلبي بمراقبته... مجاي الگه تفسير لمزاجي المتقلب تعبت وماجاي افهم نفسي شنو اريد
بعدها اجه صعد وسد الباب حيل حرك السياره وطلع الطريق كله ساكتين واني عيني ؏ الشارع اباوع من الجامه مال السياره ابد مالتفت عليه فززني صوت اسد وهوّ يگله:
اسد: ـ بابا
أيــهم: ـ حبيببي نام
سكت الولد بس مااتوقع رجع نام دك موبايل أيــهم رفعه وجاوب
: ـ جايين بالطريق لا ماكو شي اتأخرنه بالمستشفى.
وسد الخط بعدها ... اتوقع فاتن زوجته
بعد كم دقيقه وصلنه للبيت بس وكفت السياره …اسد فتحت الباب ونزل ركض واني شلت غراضي اريد انزل وأيــهم بعده بالسياره التفتت عليه من حچه:
