# عقاب
الكاتبـه مــلاك،
لا تنسوون التصويت وتعليق حلو مثلكم شجعوني حته يصيرلي واهس أكتب احبنكم 💕
ـــــــــــــــــــــــــــــــــــــــــــــــــــــــــــــــ
واذا باچر تلاگينه ادير عيوني
عن وجهك واگلك غاليه عيوني
ـــــــــــــــــــــــــــــــــــــــــــــــــــــــــــــــ
ميار:
تفاجأة ...
انصدمت...
صاعقه نزلت عـ راسي وقسمته نصين ...
ركزت بالصوره زين أي هوه مامتوهمه هوه صفاء زين منو هذه الوياه؟
وليش هيج حاضنها؟
بس لحضه هذه مو بنيه ركزت اكثر واكثر اريد عيوني يطلعن غلطانات اريد أچذب عيوني أريد اجمل اغلاطه معقوله هذا الي وياه حاضنه بهذا الوضع اليخزي
يكون ولددد ؟؟
يعني شنو صفاء عنده علاقه بولد؟؟ لا ياربي لاااا
ضليت مثل المخبله ادور بالمحادثه بلكي الگه شي يچذب الي شفته زوجي وحبيبي البارحه مخلص ليلته وي ولد ليش وشلون وچان انصدم أكثر من قريت المحادثه وعرفت من خلالها عنده علاقه بالولد ومن فتره حيل بعيدة
والبارحه حسب مافهمت الولد محاول ينتحر لئن صفاء هذه الفتره مشغول عنه وهامله بسبب زواجنه والي خله صفاء امس متلبك وضعه ومتخربط وراح اله حته لا يخسره أكثر وعرفت من خلال المراسله بينهم انو هوه مخلص الليله وياه عـ اتمم وجه وحته الصور الي دازهن ذاك الولد چان بيهن اثر بوسات عـ رگبته ولأثر واضح مو من زمان جديد.
حچيت كل هذا الكلام بحرگه وبكسرت خاطر وگلب،، رفعت راسي لگيت عمو عقاب مخلي اثنين اصابعه عـ حلگه وعاگد حاجبه ومغندب ومنصدم بنفس الوقت وفناء واگفه عـ جهه فاگه حلگها،،
وأني أي أني سشوي لجرح گلبي ويبرد ذولي أنتم هيج انصدمتو شتگولون عليه چا؟
سكتت وشهگت گلبي ماسكتت اشهك بخنگه مما خله فناء اجت واخذتني بحضهنا وضلت اطبطب عـ ضهري بحسره،
وعمو عقاب عاف المكان وطلع سمعنه الباب مال البيت وهوه ينسد بقوه،
بعد الكلام السمعناه من ميار حرفيآ عقل ماضل براسي ماچنه مفكرين الأمور لهذه الدرجه چنه مفكرين مجرد زعل بين كل زوجين وميار لئن تحبه نهارت منه ماچان يجي ابال ئي شخص انو زوجها عنده علاقه بولد ويروح اله ويشاركه الفراش كأنو ثنين مزوجين.
الله يساعدج ميار طلعتي انسانه قويه وبنفس الوقت انسانه فاهمه وعندج كرامه ماقبلتي تبقين وياه دقيقه وحده بعد ماعرفتي وضعه المقرف هواي بنات بقآ عـ اساس يتعدل واول وتالي يرجعلي وهيج خليه طير يطير ويرجع العشه بالليل شلون تقبلها النفس هسه اذا يحبله بنيه معقوله الحب موعيب ولا حرام اذا چان طاهر وشريف بس ولد يحب ولد يوگفلها العقل الصراحه.!
