# عقاب
الكاتبـه مـلاك،
لا تنسوون التصويت بنات 💕
••••••••••••••••••••••••••••
هلي والموت لا حگني
اعله عشريني
هلي والماحچيته الكم
يأذيني،
••••••••••••••••••••••••••••
فناء:
اليوم البنات يحضرن للخطبه مال عقاب ورسل
عقاب راح لـ دوامه ياخذ إجازه ويطلع للحلاق
نائل: ـ بعد اخوج اريد المفتاح مال غرفة عقاب اريد أخذ ملابسه خابرني عليهن
فناء: ـ معلگ بالباب ، ليش هوه مايرجع لهنا؟
نائل: ـ لا ياخذ إجازه ويروح لـ بيت كوثر ومناك ونطلع،
فناء: ـ اها تمام اخذ راحتك المفتاح معلگ
نائل: ـ ليش انتِ ماتروحين ويانه
فناء: ـ لا ما اروح،
نائل: ـ ليش عقاب مايقبل…؟ أني أحچي وياه؟؟
فناء: ـ لا بالعكس أصلاً هوه گال روحي ويانه بس مالي خلك ومااريد اخلق مشاكل أخاف طيبه تسمعني حچايه ومااسكت وتصير مشكله ".
نائل: ـ براحتج خويه،
عافني وراح للغرفه دخل وخله الباب مفتوح
شويه وصاح
نائل: ـ مرة اخوي
فناء: ـ ها
نائل: ـ تعالي بلا
رحت دخلت عليه للغرفه حچيت:
: ـ ها خويه
نائل: ـ اگلج گالي بروشات مال القميص الفضه وين ألكاهن ادور وماكو
ضليت صافنه بوجهه مااندل غراض عقاب هسه شيگول عليه!!
: ـ ءءيمكن بهذا الجرار هوه دائماً يخلي غراضه..
وبيني وبين نفسي أگول يارب يطلعن صدگ هنا
جريت الجرار دورت منا ومنا ماكو
التفتت عليه وحچيت:
: ـ ماكو خلي فتحت الجرار مال الميز لكيتهن
طلعتهن چانن بـ علبه فتحتهن،
: ـ ذني مو؟
مد ايده واخذهن حچه:
نائل: ـ أي خويه هنه ذني مشكوره
اخذهن خلاهن وي الغراض وطلع
وأني ضليت بالغرفه اباوع عـ العطورات عـ الميز
وصوره مخليهن عـ الملحق مال الغرفه أخذت صوره منهن ومشيت إيدي عـ وجهه بالصوره چانت الصوره لابس طاكيت التخرج وبيده شهادته واگف بطوله الحلو وشخصيته الهيبه،
رجعتها وأخذت الثانيه ضليت اباوع بيهن رجعتهن لـ مكانهن وگعدت عـ طرف ألچربايه وضليت صافنه بالفراغ ماكو شيء أسويه روحي ذايبه ماأدري شبيه ومحروگه بنفس ألوقت،،
سمعت موبايلي رن
گمت طلعت من الغرفه
شلت الموبايل شفتها شوشه المحنه
جاوبت أجاي صوتها
: ـ هلا فنونه
: ـ هلا يروح فنونه
: ـ شخبارج هذه امي تريد تحچي وياج
حسيت طار گلبي من مكانه بسرعه حچيت:
: ـ اي وينها
انطت الموبايل لـ أمي أجاني صوت أمي،
الصوت الِنحرمت منه الصوت المليان حب وحنيه
صوت الجنه وصوت الراحه النفسيه نزلن دموعي بدون صوت ومابينت لـ أمي أني بچيت
